U Babrujsku žančynu asudzili na 1,5 hoda kałonii za karykaturu
52-hadovuju Volhu Kukuškinu asudzili na 1,5 hoda kałonii ahulnaha režymu pa abvinavačvańni ŭ abrazie Alaksandra Łukašenki (art. 368 KK) i inšych pradstaŭnikoŭ ułady (art. 369 KK). Praces u Babrujskim sudzie prachodziŭ u zakrytym režymie, paviedamlaje «Viasna».
U listapadzie 2021-ha da Kukuškinaj pryjšli dadomu ź pieratrusam: nahodaj staŭ repost z telehram-kanała, pryznanaha ekstremisckim. Na žančynu skłali pratakoł, joj prysudzili 10 sutak.
Za čas aryštu siłaviki znajšli ŭ jaje smartfonie karcinku, na jakoj byli pakazanyja Łukašenka, Kačanava i Karajeŭ u nacysckaj uniformie, ź ich ratoŭ ściakała kroŭ. Taksama na karcincy byŭ podpis, źviazany z Hodam pacuka pavodle kitajskaha kalendara.
Hetuju karcinku Kukuškina adpraviła ŭ zakryty čat z kamientaryjem u sakaviku 2021 hoda. Čat na momant prahladu byŭ užo nieaktyŭny, a sama Volha vyjšła ź jaho, ale vyjava ŭ smartfonie zastałasia.
Babrujčanku paśla aryštu adpuścili dadomu, ale zaviali kryminalnuju spravu. Śledčy pierakanaŭ žančynu, što jana atrymaje štraf abo «chatniuju chimiju», tamu jana navat nie źviartałasia da advakata.
Ale sud pryznačyŭ joj kałoniju, pad vartu Kukuškinu ŭziali ŭ zale suda.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary