Minadukacyi prakamientavała źmieny ŭ kodeks: Paśla 9 kłasa školnik budzie abaviazany ci iści ŭ 10-y, ci ŭ SSNU
Paśla navučańnia ŭ 9 kłasie ŭ vučniaŭ budzie vybar, centralizavany ekzamien dazvolić sumiaščać vypusknyja ŭ škole i ŭstupnyja vyprabavańni ŭ VNU, a terminy navučańnia va ŭstanovach praf-techničnaj adukacyi skarociać. Siońnia pradstaŭniki Ministerstva adukacyi prakamientavali źmieny ŭ Kodeks ab adukacyi, što nabudzie moc u 2023 hodzie.
11 kłasaŭ u škole stanuć abaviazkovymi? Nie zusim
Uźnikła pamyłkovaje mierkavańnie, nibyta ŭsim pryjdziecca vučycca 11 hadoŭ u škole. Ale heta nie zusim tak.
«Abaviazkovaj stała ahulnaja siaredniaja adukacyja (u dziejsnym kodeksie — ahulnaja bazavaja), — udakładnili pradstaŭniki minadukacyi. — Heta nie značyć, što paśla zakančeńnia 9-ha kłasa usim pryjdziecca praciahvać navučańnie ŭ 10-m. Jak i raniej, vypuskniki 9-ha kłasa mohuć praciahvać adukacyju jak u 10-m kłasie, tak i va ŭstanovach prafiesijna-techničnaj adukacyi i siarednich śpiecyjalnych navučalnych ustanovach».
Pa danych minadukacyi, 60-62% vypusknikoŭ 9-ch kłasaŭ praciahvajuć vučycca ŭ škołach, kala 22% - u SSNU, kala 17% - va ŭstanovach PTA.
Centralizavany ekzamien: sumiaščeńnie vypusknoha ŭ škole i ŭstupnaha vyprabavańnia ŭ VNU
Zakranuli źmieny vynikovaj atestacyi vučniaŭ škoł. Vypuskniki 9 i 11 kłasaŭ pa-raniejšamu buduć zdavać ekzamieny. Ale z adnym adroźnieńniem.
«Praduhledžanaja mahčymaść zdavać u 11-m kłasie vypuskny ekzamien u formie centralizavanaha ekzamiena, heta značyć, sumiaščać vypuskny ekzamien i ŭstupnaje vyprabavańnie ŭ VNU», — paviedamili na pres-kanfierencyi.
Pradstaŭniki Minadukacyi prakamientavali: «Z 2023 hoda razam ź siertyfikatami centralizavanaha testavańnia abituryjent zmoža pradjavić siertyfikat centralizavanaha ekzamiena, jaki budzie ličycca formaj zdačy vypusknoha.
Atrymaŭšy siertyfikat CE i dakumient ab ahulnaj siaredniaj adukacyi, abituryjent vybiera profilnyja dyscypliny, zdaść CT, nabiare pakiet ź siertyfikataŭ CE i CT (ich pavinna być try ŭ sumie) i pojdzie pastupać u VNU».
Terminy navučańnia va ŭstanovach prafiesijna-techničnaj adukacyi buduć skaročanyja
Paśla 11 kłasaŭ škoły terminy navučańnia ŭ sistemie praftechadukacyi buduć skaročanyja da 6 miesiacaŭ i hoda (było — ad hoda da dvuch hadoŭ).
«Hetaja norma nie značyć, što ŭsie śpiecyjalnaści PTA piarojduć na šeść miesiacaŭ. Ale pašyrajucca mahčymaści pa atrymańni adukacyi pa roznych śpiecyjalnaściach. Naprykład, dziakujučy sučasnym technałohijam, asobnyja prafiesii mohuć być asvojenyja nie za dziesiać, a za vosiem-dzieviać miesiacaŭ», — adznačyli supiecyjalisty ministerstva.
Jak ličać u Minadukacyi, heta dazvolić zrabić bolš hnutkaj sistemu PTA i adkazać na patrabavańni arhanizacyj, jakija čakajuć vypusknikoŭ, a taksama dapamoža samim vypusknikam chutčej vyjści na rynak pracy.
Dziaciej abaviažuć vučycca ŭ škole 11 hod. Łukašenka padpisaŭ kodeks ab adukacyi, raskazvajem, što źmienicca
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary