Na tarhi na aŭkcyjonnaj placoŭcy «Biełrealizacyja» vystavili dolu ŭ biełaruska-bahamskim tavarystvie «AkvaTrajpł». Daŭžnikom, jaki vałodaje hetym łotam, značycca kampanija «Trajpł», jaje zasnavalnik — biznesmien Juryj Čyž.
«AkvaTrajpł» zajmajecca vytvorčaściu minieralnaj vady i inšych biezałkaholnych napojaŭ. Na tarhi vystaŭlenaja dola ŭ kampanii pamieram 65%. Pačatkovy košt łota — 3 miljony 844 tysiačy rubloŭ, piša Zerkalo.io.
Ułaśnik hetaj majomaści — kampanija «Trajpł», jakaja naležyć apalnaha biznesoŭcu Juryju Čyžu. Raniej jon byŭ nabližany da Alaksandra Łukašenki, adnak paźniej da jaho źjavilisia pytańni z boku siłavikoŭ.
U Ekanamičnym sudzie Minska na 30 červienia zapłanavali čarhovaje pasiadžeńnie pa spravie ab niepłaciežazdolnaści kampanii «Trajpł» biznesoŭca Juryja Čyža. Infarmacyja pra heta źjaviłasia ŭ raskładzie suda. Na pasiadžeńni źbirajucca razhledzieć spravazdaču antykryzisnaha kiraŭnika ab sanacyi (praściej kažučy, azdaraŭleńni, jakoje moža dapamahčy paźbiehnuć bankructva).
U lipieni minułaha hoda kampaniju praz sud pryznali ekanamična niepłaciežazdolnaj i pryniali rašeńnie ab jaje sanacyi. Heta stała mahčymym paśla taho, jak praviali finansava-ekanamičnuju ekśpiertyzu kampanii.
Kamientary