Zdaroŭje

Jak lačyć amikron u chatnich umovach? Zapisali parady doktara Martava

Pa nazirańniach daktaroŭ ciapier praktyčna kožnaje vostraje reśpiratornaje zachvorvańnie možna ličyć amikronam. Praź vializnyja čerhi ŭ paliklinikach, niekatoryja zastajucca chvareć doma. Jak pravilna lačycca, što nielha rabić i jakija simptomy pavinny naściarožyć? Parady daje doktar Uładzimir Martaŭ, były zahadčyk adździaleńnia reanimacyi Viciebskaj balnicy chutkaj dapamohi.

Ci treba pić supraćvirusnyja?

U amikrona, jak i ŭ karanavirusa ahułam, niama śpiecyfičnaha lačeńnia. 

«Nivodzin supraćvirusny preparat nie pakazaŭ svaju efiektyŭnaść, i tamu ŭsie pryznačeńni takich tabletak — heta vykinutyja hrošy,

— kaža doktar Martaŭ. — Jość vielmi darahija leki dla reanimacyjnych pacyjentaŭ (i navat u ich nie vielmi vysokaja efiektyŭnaść), ale heta zusim nie toje, što arbidoły i vitaviryny.

Mnohija ludzi chacieli b uziać infiekcyju pad kantrol. Pakul heta nie atrymlivajecca, i nie treba siabie padmanvać».

Jak lačycca doma?

Pry karanavirusie lačeńnie simptamatyčnaje. Źbivać vysokuju tempieraturu, kupiravać hałaŭny bol. Kali tempieratura źbivajecca drenna (a tak byvaje, dy ludzi pa-roznamu jaje pieranosiać), možna kambinavać preparaty (paracetamoł ź ibuprafienam, naprykład).

Vielmi važna pić vadkaść u vialikaj kolkaści — kala troch litraŭ na dzień. Heta moža być vada, čaj, sok. 

Kali vam ciažka dychać, to abaviazkova prybiahajcie da pron-pazicyi.

«Zadnija adździeły lohkich, kali my lažym na śpinie, pracujuć drenna. A tam vializnyja reziervy lohačnyja. Kali nam niama adkul uziać kisłarod, pavaročvajemsia na žyvot — tak vializnaja prybaŭka kisłarodu atrymlivajecca», — tłumačyć Uładzimir Martaŭ.

U paliklinikach časta vypisvajuć vitaminy — S, D, cynk. Jany karysnyja dla ahulnaha stanu, tym bolš D dla Biełarusi, dzie redka byvaje sonca. Ale kali vy zachvareli, a doma vitaminaŭ niama, biehčy pa ich u apteku nie treba. Na chutčejšaje vyzdaraŭleńnie heta nie paŭpłyvaje.

Antybijotyki pry amikronie nie pjuć. Jany patrebny tolki kali da virusa dałučyłasia bakteryjalnaja infiekcyja. Heta byvaje składana vyznačyć, ale ŭ lubym razie takija leki pryznačaje tolki doktar.

Ci možna zajmacca sportam padčas karony?

Nie. Fizičnyja nahruzki i dychalnyja himnastyki adkładzicie da azdaraŭleńnia.

«My heta nazirali pry rańnich štamach, kali ŭ pieršuju čarhu paškodžvalisia lohkija. Kali čałaviek krychu bolš patraciŭ kisłarodu, to jaho ŭziać niama adkul. I praz heta ŭźnikali prablemy. My pravodzili paralel z uzychodam na Evierest. Nichto na Eviereście zaradku nie robić — usie zajmajucca ekanomijaj kisłarodu i sił. Tak i pry ciažkaj infiekcyi».

A što, kali ŭ čałavieka jość chraničnyja zachvorvańni?

Kali ŭ čałavieka hipiertenzija, stenakardyja, dyjabiet, vielmi vysokaja vierahodnaść, što hetyja chvaroby mohuć vyjści z-pad kantrolu.

«Što tyčycca vysokaha cisku, to na fonie karony jon ci budzie skakać uvierch, kryz za kryzam, ci naadvarot za košt słabaści moža padać (zvyčajnaja doza tabletak moža akazacca praźmiernaj). Tamu hetyja ludzi pavinny čaściej mierać cisk i padbirać dozu — časam davodzicca jaje pamianšać», — źviartaje ŭvahu miedyk.

Kali ŭ čałavieka časam baleła serca, pry kavidzie vyšej ryzyka, što razaŭjecca infarkt. Hałoŭnaja prafiłaktyka tut — aśpiryn. Štodzionnaja doza — 75 ci 150 mh, nie bolš, prymajecca adzin raz na sutki. Leki treba pić uvieś čas, pakul chvarejecie, a moža i bolš (pa ŭzhadnieńni z doktaram).

Kali dobry imunitet, to chvaroba projdzie lohka?

Nie abaviazkova.

«Jość iluzija ŭ ludziej, što kali ŭ nas dobry imunitet, my viadziem zdarovy ład žyćcia, nie pjem, nie kurym, chodzim u łaźniu, my pieraniasiem chvarobu lohka. Pry karonie heta nie tak.

U nas pamirali i zdarovyja dužyja mužčyny i žančyny biez spadarožnych patałohij, bo ŭ niekatorych pacyjentaŭ raźvivajecca reakcyja arhanizmu na virus, jakaja zabivaje sam arhanizm. Jak aŭtaimunny praces. Heta raźvivałasia praz 7-8 dzion, i dobry imunitet u hetaj situacyi — nie plus.

U čym asablivaść karony? Raniej prychodziŭ hryp ci inšaja virusnaja infiekcyja pa viaśnie, i pamirali asłablenyja ludzi. Tut absalutna nie tak było. Nie mahu skazać, jak budzie pry piataj chvali. Što robić hety virus u arhaniźmie — naohuł składanaja tema. Tym bolš kožny štam viadzie siabie krychu pa-roznamu».

Jakija simptomy pavinny naściarožyć?

Jość niekalki momantaŭ, kali nieabchodna źviarnucca da doktara.

Tryvožny simptom — pačućcio niedachopu pavietra. Jano moža ŭźniknuć karotkačasova, naprykład: čałaviek sieŭ pajeści, jamu nie chapaje pavietra, jon da akienca padyšoŭ fortku adkryć. Pry amikronie lohkija paškodžvajucca mienš, čym pry inšych štamach, ale heta ŭsio adno moža być.

Inšy tryvožny sihnał — kali zusim niama sił. 

«Ź pieršaj chvali daktary vielmi bajacca trambozaŭ vien nižnich kaniečnaściaŭ. Heta vielmi niebiaśpiečnyja rečy. Kali čałaviek prosta chvareje, chodzić, štości robić, heta adno. Kali jon źloh, maje mała sił, to ryzyka trambozu vien nižnich kaniečnaściaŭ pavyšajecca», — kaža Uładzimir Martaŭ.

Kamientary

Favarytka Łukašenki i Čyža — što pryniesła himnastcy Ksienii Sankovič blizkaść z palityčnymi elitami?1

Favarytka Łukašenki i Čyža — što pryniesła himnastcy Ksienii Sankovič blizkaść z palityčnymi elitami?

Usie naviny →
Usie naviny

U davieranaj asoby Łukašenki zabrali biznes pad Hrodnam: «Na paroh vyjšaŭ niejki mužyk i zajaviŭ, što ŭpieršyniu mianie bačyć»7

Pamiatajecie, jak pa Mahilovie hulaŭ tabun koniej? Ciapier u tym samym dvary pasiecca statak karoŭ VIDEA2

Nie tolki mašyny z abjomam ruchavika, bolšym za 1,9 litra. Jakija jašče aŭto nielha budzie pryhaniać u Biełaruś17

U siecivie źjaviłasia VIDEA z karparatyvu najvyšejšych homielskich čynoŭnikaŭ9

Navukoŭcy sprahnazavali, jaki sioleta budzie ŭradžaj hryboŭ i jahad

Viktar Orban anansavaŭ «novy siurpryz» na paniadziełak17

Žycharcy Homiela, što zdymała porna sa svaimi dziećmi, dali 16 hadoŭ kałonii

Zamiest Pakistana — Čavusy: biełaruska, jakaja 2 hady adna padarožničaje pa śviecie, vyrašyła pieššu prajści pałovu Biełarusi7

Muzieja ŭ Piščałaŭskim zamku (eks-SIZA na Vaładarskaha) nie budzie2

bolš čytanych navin
bolš łajkanych navin

Favarytka Łukašenki i Čyža — što pryniesła himnastcy Ksienii Sankovič blizkaść z palityčnymi elitami?1

Favarytka Łukašenki i Čyža — što pryniesła himnastcy Ksienii Sankovič blizkaść z palityčnymi elitami?

Hałoŭnaje
Usie naviny →