Navukoŭcy dakazali, što kožny pradukt ź nikacinam zabivaje serca — navamodnyja paŭčy i vejpy taksama
Novaje maštabnaje daśledavańnie mižnarodnaj hrupy kardyjołahaŭ paćvierdziła: nikacin sam pa sabie źjaŭlajecca niebiaśpiečnym taksinam dla sasudaŭ niezaležna ad sposabu jaho dastaŭki ŭ arhanizm. Heta adkryćcio niščyć papularny mif ab «biaśpiečnych alternatyvach» i papiaredžvaje, što vejpy i nikacinavyja paŭčy rychtujuć hlebu dla novaj chvali sardečnych zachvorvańniaŭ va ŭsim śviecie.
Doŭhi čas mierkavałasia, što asnoŭnuju škodu sercu čyniać dym i pradukty hareńnia tytuniu, a nikacin adkazny tolki za pryvykańnie.
Ale ciapier ekśpierty syšlisia ŭ mierkavańni: nikacin — heta jad dla sardečna-sasudzistaj sistemy. Jon prymušaje serca bicca čaściej, padvyšaje arteryjalny cisk i litaralna raźjadaje ŭnutranuju abałonku našych sasudaŭ.
Da takoj vysnovy pryjšła mižnarodnaja hrupa kardyjołahaŭ ź Niamieččyny, Italii, ZŠA, Vialikabrytanii i Šviejcaryi (vyniki ich pracy apublikavanyja ŭ navukovym časopisie European Heart Journal).
Daśledavańnie hruntavałasia na analizie šmatlikich kliničnych źviestak i ekśpierymientaŭ. Navukoŭcy pryjšli da vysnovy, što nikacin škodzić navat biez dymu: jon pravakuje zapaleńnie i robić sasudy nieełastyčnymi, što z časam pryvodzić da infarktaŭ i insultaŭ.
Jak nikacin łamaje naš arhanizm
Kab zrazumieć maštab prablemy, treba pahladzieć na endatelij — heta tonki płast kletak, jaki vyściłaje našy sasudy znutry. Jaho možna paraŭnać z razumnym vartavym zdaroŭja, jaki sočyć, kab kroŭ ciakła płaŭna, a sudziny svoječasova pašyralisia.
Nikacin — kurycie vy jaho, vejpicie ci zakładajecie za hubu — łamaje hety miechanizm praz tak zvany akiślalny stres. Sasudy stračvajuć zdolnaść rassłablacca, što moža stać pryčynaj aterasklerozu. Hety efiekt nazirajecca navat paśla adnaho kureńnia kaljana abo elektronnaj cyharety.
Tryvožnyja ličby
Źviestki daśledčykaŭ pakazvajuć sapraŭdny maštab pahrozy:
- 7,7 miljona čałaviek štohod pamirajuć ad nastupstvaŭ užyvańnia nikacinu va ŭsim śviecie.
- U Jeŭropie ekanamičnyja straty ad nikacinavaj zaležnaści (lačeńnie i strata pracazdolnaści) pieravyšajuć 300 miljardaŭ jeŭra na hod.
- Da 40% jeŭrapiejskich padletkaŭ užo pakaštavali elektronnyja cyharety.
- Navat pasiŭnaje ŭździejańnie (dychańnie param vejpa) vyklikaje paškodžańnie sasudaŭ u dziaciej užo praź niekalki chvilin.
Što kažuć navukoŭcy?
Sfarmulavanaja na asnovie vysnoŭ navukoŭcaŭ pazicyja hučyć bieskampramisna:
«My pavinny spynić iluziju, što isnujuć «biaśpiečnyja» formy nikacinu. Budź to stylovy vejp, paŭč pad hubeśku ci kaljan u kaviarni — dla vašaha serca heta adzin i toj ža ŭdar. Nikacin — heta nie prosta rečyva, što vyklikaje zaležnaść, heta bijałahična aktyŭny taksin, jaki pastupova razburaje sasudy kožnaha, chto jaho spažyvaje ci navat prosta dychaje im pobač».
Što prapanujuć navukoŭcy?
Navukoŭcy zaklikajuć palitykaŭ da śmiełych krokaŭ: zabarony aramatyzavanych vejpaŭ, jakija pryvablivajuć dziaciej, uviadzieńnia adnolkavych padatkaŭ na ŭsie nikacinavyja pradukty i pašyreńnia zon, svabodnych ad usialakaha dymu i pary.
Užo ŭ lipieni 2025 hoda Jeŭrapiejskaja kamisija ŭviała novyja praviły padatkaabkładańnia, jakija ŭpieršyniu zakranuć vejpy i nikacinavyja paściłki va ŭsim ES. Heta krok da taho, kab novaje pakaleńnie nie apynułasia ŭ pastcy «čystaj» zaležnaści, jakaja moža być takoj ža niebiaśpiečnaj i śmiarotnaj, jak zvyčajnyja cyharety.
«Naša Niva» — bastyjon biełaruščyny
PADTRYMAĆ
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary