Radyjo Svaboda atrymała zahad ad rasijskich uładaŭ vydalić dziasiatki publikacyj. Nie vykanaje — buduć błakavać
4 lutaha i ŭ noč na 5 lutaha Rasijskaja słužba Radyjo Svaboda atrymała kala 40 piśmovych apaviaščeńniaŭ ad «Raskamnahladu» z patrabavańniem vydalić materyjały, napisanyja na asnovie rasśledavańniaŭ vydańnia «Prajekt» i kamandy apazicyjnaha palityka Alaksieja Navalnaha dy Fondu baraćby z karupcyjaj.
U listach viedamstva spasyłajecca na patrabavańni Hienieralnaj prakuratury, u jakich havorycca, što infarmacyjnyja materyjały arhanizacyj, pryznanych u Rasiei niepažadanymi i ekstremisckimi, pavinny być vydalenyja z publičnaj prastory.
U vypadku, kali publikacyi nie buduć vydalenyja ciaham sutak z momantu atrymańnia apaviaščeńniaŭ, «Raskamnahlad» pahražaje zabłakavać sajt Radyjo Svaboda.
Padobnyja apaviaščeńni nakiravanyja i inšym ruskamoŭnym redakcyjam medyjakarparacyi Radyjo Svabodnaja Eŭropa/Radyjo Svaboda — kala 30 listoŭ u ahulnaj sumie atrymali telekanał «Nastojaŝieje vriemia», Ukrainskaja, Tadžykskaja, Kazachskaja i Tatara-Baškirskaja słužby.
Anałahičnyja patrabavańni nahladnaje viedamstva na hetym tydni pradjaviła taksama telekanału «Dožd́», veb-sajtu «Mieduza», radyjostancyi «Echo Moskvy», sajtu Znak.com, «Novoj hazietie» i inšym.
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary