Cichanoŭskaja pavinšavała Huśkovu ź miedalom i zastupiłasia za spartoŭcaŭ, jakich prymusili zapisvać «pakajannyja» videa
Śviatłana Cichanoŭskaja pavinšavała Hannu Huśkovu sa srebranym miedalom Alimpijady i padtrymała spartsmienaŭ, jakich prymusili zapisvać «pakajannyja» videa.
«Siońnia frystajlistka Hanna Huśkova, jakaja padpisała list za sumlennyja vybary, zavajavała srebrany miedal na Alimpijadzie ŭ Piekinie. Ja vinšuju Hannu i žadaju joj jašče šmat miedaloŭ i pieramoh.
I ŭ hety ž čas ja spačuvaju tym spartsmienam, jakich prymusili zapisvać «pakajannyja» videa, dzie jany na fonie ściaha apraŭdvajucca, što nie prynieśli krainie miedaloŭ. Sama praktyka hetych videa prynižaje čałaviečuju hodnaść. Spartsmien, jaki nie zavajavaŭ miedal, nie stanovicca ad hetaha «złačyncam». Parazy-taksama častka sportu, i atlety nie pavinny apraŭdvacca za ich.
Usim nam patrebnaja kraina, u jakoj kaštoŭny kožny biełarus, niezaležna ad taho, ci vyjhraŭ jon miedal, ci łajalny jon ŭradu i ci kaža jon usłych ab tym, što dumaje», — havorycca ŭ liście Cichanoŭskaj.
U biełarusaŭ na Alimpijadzie pakul dva miedali: srebra Hanny Huśkovaj i srebra Antona Smolskaha ŭ bijatłonie.
Čytajcie taksama:
Hanna Huśkova vyjhrała srebra Alimpijady ŭ Piekinie
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka9
Kamientary