U Hrodnie nieviadomy entuzijast łataje vyboiny na chodnikach mazaičnymi kampazicyjami
Chutčej za ŭsio, majstar-pačatkoviec natchniŭsia prykładam lijonskaha vuličnaha mastaka Ememem, piša «Hrodzienskaja praŭda».
![](http://nnexpictures.fra1.digitaloceanspaces.com/img/w732d4webp1/photos/z_2022_02/c5318735510953b3cc5ed253ea6291bd-u496i.jpg.webp)
Pačynajučy ź minułaha hoda, haradžanie i hości Hrodna mohuć nazirać u centralnaj častcy horada ź dziasiatak niezvyčajnych ukrapleńniaŭ mazaiki ŭ miescach paškodžanaj tratuarnaj plitki. Ich možna pabačyć na Savieckaj płoščy, kala handlovaha doma «Batoryja», pobač z pomnikam maršału Sakałoŭskamu.
![](http://nnexpictures.fra1.digitaloceanspaces.com/img/w732d4webp1/photos/z_2022_02/5d7af3b55a07338b58918a2c3801d559-b3r9w.jpg.webp)
Ale da hetaha času taho čałavieka, jaki zakładaje prastoru na miescy raźbitaj plitki dekaratyŭnaj kalarovaj mazaikaj, vyličyć nie ŭdajecca. Vysokim mastackim vykanańniem praca pakul nie adroźnivajecca, dy i majsterstva kładki mazaiki nie asabliva ŭražvaje. Ale sama inicyjatyva zasłuhoŭvaje pavahi.
![](http://nnexpictures.fra1.digitaloceanspaces.com/img/w732d4webp1/photos/z_2022_02/fceb2c967e4a7ac816d6f10821b76e47-8ytds.jpg.webp)
Chutčej za ŭsio, majstar-pačatkoviec natchniŭsia prykładam lijonskaha vuličnaha mastaka Ememem. Toj užo zvyš dziesiaci hadoŭ łataje dzirki na tratuarach, darohach i ścienach budynkaŭ u Francyi i Italii, adnačasna pieratvarajučy ich u pryvabnyja art-abjekty. Zakładvaje ŭsio kavałačkami kieramiki, dreva, bitumu. Vyniki ŭłasnych prac majstar fatahrafuje i vykładaje ŭ Instagram, pryciahvajučy ŭvahu da prablem u źmieście haradskoj infrastruktury i adnačasova zachaplajučy svaimi tvorami zvyš 90 tysiač padpisčykaŭ.
![](http://nnexpictures.fra1.digitaloceanspaces.com/img/w732d4webp1/photos/z_2022_02/9c68b3d97dd81c1c8ec557392598dc31-nsbof.jpg.webp)
Ememem nazvaŭ stvorany im vyhlad vuličnaha mastactva Flacking, što ŭ pierakładzie na biełaruskuju aznačaje «vyraŭnoŭvańnie», a ŭ interpretacyi samoha tvorcy — mastackaje adnaŭleńnie paškodžańnia, abo «vieršy, jakija mohuć pračytać usio». Jon pryjšoŭ da vysnovy, što heta i jość sprava ŭsiaho jaho žyćcia.
![](http://nnexpictures.fra1.digitaloceanspaces.com/img/w732d4webp1/photos/z_2022_02/4bfba7a5963baaac3bb2f4d9959acc68-rdwoc.jpg.webp)
Kamientary