Finskaja kampanija Olvi płanuje vykupić 75 pracentaŭ akcyj AAT.
Finskaja kampanija Olvi płanuje vykupić 75 pracentaŭ akcyj AAT «Lidskaje piva», paviedamiŭ 12 žniŭnia žurnalistam mieniedžer pa krainach Bałtyi i Respublicy Biełaruś kampanii Olvi Pieep Akiel.
Jak adznačyŭ mieniedžer, u vieraśni pavinna źmianicca dola akcyj Olvi ŭ AAT «Lidskaje piva», jana moža skłaści kala 75 pracentaŭ. Ciapier finskaj kampanii naležyć 51 pracent akcyj AAT «Lidskaje piva».
Hienieralny dyrektar AAT «Lidskaje piva» Aŭdrus Mikšys u svaju čarhu ŭdakładniŭ, što inviestycyi ŭ pašyreńnie vytvorčaści i raźvićcio sistemy łahistyki lidskaj pivavarnaj kampanii ŭ bližejšyja dva hady składuć kala $26 młn., što daść mahčymaść pradpryjemstvu pavialičyć vytvorčuju prahramu na 30 pracentaŭ.
Pavodle słoŭ kiraŭnika AAT «Lidskaje piva», užo zavieršana prajektavańnie cecha pa raźlivu piva ŭ śpiecyjalnyja butelki abjomam 0,5 ł mahutnaściu 33 tys. butelek u hadzinu. Akramia taho, na stadyi zaviaršeńnia znachodzicca prajekt novaha zavodskaha korpusa, dzie buduć raźmieščany dadatkovyja jomistaści dla bradžeńnia piva i kvasu. Asablivym honaram kampanii budzie transpartna‑łahistyčny terminał, jaki daść mahčymaść efiektyŭna sistematyzavać rabotu z šyrokim asartymientam pradukcyi.
Lidski piŭzavod pabudavany ŭ 1876 hodzie, u 2000 hodzie pieraŭtvorany ŭ AAT. Kalektyŭ pradpryjemstva naličvaje zvyš 900 čałaviek. AAT «Lidskaje piva» vypuskaje šyroki asartymient piva, kvas, sokaźmiaščalnyja napitki, biezałkaholnyja i słabaałkaholnyja napitki, vadu pitnuju.
Finskaja kampanija Olvi plc vykupiła kantrolny pakiet akcyj AAT «Lidskaje piva» ŭ minułym hodzie. Košt pakieta ŭ 51 pracent skłaŭ $16 młn. Olvi plc — adna z bujnych u Finlandyi kampanij pa vytvorčaści piva i biezałkaholnych napitkaŭ. Jaje pradpryjemstvy dziejničajuć nie tolki ŭ Finlandyi, ale i ŭ Estonii, Łatvii i Litvie. U biahučym hodzie Olvi płanuje vyrabić 450 młn. ł piva, uklučajučy vytvorčaść AAT «Lidskaje piva». Handlovy abarot kampanii ŭ 2009 hodzie pavinien skłaści 255 młn. jeŭra.
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka3
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary