«My padtrymlivajem zaklik prezidenta Zialenskaha zakryć pavietranuju prastoru nad Ukrainaj. Heta pytańnie biaśpieki Ukrainy, Biełarusi i ŭsioj Jeŭropy. Heta taksama dapamoža spynić rasijskija rakiety i vajskovyja samaloty, jakija zapuskajuć z terytoryi Biełarusi kožny dzień», — skazała Śviatłana Cichanoŭskaja ŭ zvarocie da naroda Ukrainy.
Ofis Cichanoŭskaj padtrymlivaje ŭsie inicyjatyvy, jakija dapamohuć Ukrainie ŭ baraćbie z rasiejskaj ahresijaj. Jak ich padtrymlivajuć i biełarusy, jakija ŭdzielničajuć u Biełaruskim antyvajennym ruchu, dapamahajuć ukrainskaj armii i biežancam, źbirajuć humanitarnuju dapamohu i adpraŭlajuć jaje va Ukrainu, pravodziać dyviersii na čyhuncy i ŭsimi mahčymymi sposabami pieraškadžajuć dastaŭcy vajennych hruzaŭ va Ukrainu, havorycca ŭ paviedamleńni Ofisa.
NATA admoviłasia zakryvać nieba nad Ukrainaj, bo heta aznačaje pramoje supraćstajańnie ź jadziernaj Rasijaj.
Prezident Rasii Uładzimir Pucin siońnia paviedamiŭ, što Rasija budzie ličyć udziełam u vajennych dziejańniach lubyja sproby inšych krain ustanavić biespalotnuju zonu nad Ukrainaj.