Zialenski: My nie hatovyja da kapitulacyi i ultymatumaŭ, ale my možam dyskutavać z Rasijaj pra budučyniu Kryma i Danbasa
Prezident Ukrainy Uładzimir Zialenski ŭ intervju vydańniu ABC News akreśliŭ, jak Ukraina bačyć pierśpiektyvy budučaha ŭzajemadziejańnia ź dziaržavami śvietu, Rasijaj i błokam NATA.
Zialenski, u pryvatnaści, skazaŭ:
«My navat tearetyčna nie razhladajem mahčymaść pierahladu našaj terytoryi abo admovy ad jakich-niebudź kavałkaŭ našaj terytoryi. Heta niedapuščalna. Naša Ukraina — heta i Danieck, i Łuhansk, i Krym.
My nie ŭsprymajem ultymatumaŭ. Nie admaŭlajemsia ad terytoryj. Ale pry hetym ćviaroza hladzim na realnaść. Krym, Danieck i Łuhansk akupavanyja ŭžo 8 hadoŭ. Na astatniaj častcy terytoryi Ukrainy praciahvajecca paŭnamaštabnaja vajna.
My čujem patrabavańnie Rasiei pryznać tak zvanyja «DNR» i «ŁNR», pryznać akupacyju Kryma. Zrazumieła, što my nie budziem hetaha rabić.
Ale nam treba budzie vyznačycca — jakim čynam budzie ŭrehulavanaje žyćcio ludziej na hetych terytoryjach u miežach našaj cełasnaj dziaržavy.
Mienavita pra heta kazaŭ prezident Zialenski, adkazvajučy na pytańnie amierykanskaha žurnalista. I pra NATA i harantyjach dla Ukrainy! Aljans nie hatovy prymać Ukrainu da siabie na praciahu bližejšych nie mienš za 15 hadoŭ, i vyrazna pra heta kaža. My ciapier navat nie majem padtrymki ŭ absalutna spraviadlivaj vajnie mienavita ad aljansu — tolki ad asobnych dziaržaŭ.
Pakolki ŭ najbližejšyja hady ŭstupleńnie ŭ NATA niemahčymaje, my nie možam vykarystoŭvać dla abarony našaj dziaržavy tolki radki ŭ Kanstytucyi ab kursie ŭ aljans. Kurs — heta palityka. Ale nie zbroja. Nie samaloty. Nie abarona dziaržavy.
Zatoje my pavinny kazać pra kankretnyja rečy. Pra kankretnuju damovu, jakaja moža harantavać Ukrainie poŭnuju biaśpieku na toj čas, pakul NATA nie hatova nas prymać. Jana pavinna pryncypova adroźnivacca ad Budapiešckaha miemaranduma, praduhledžvać kankretnyja palityčnyja, ekanamičnyja i vajennyja kroki dziaržaŭ — harantaŭ biaśpieki Ukrainy.
Takimi dziaržavami-harantami mohuć stać ZŠA, Turcyja, dziaržavy-susiedki Ukrainy. Sa svajho boku, Rasija pavinna taksama jurydyčna zafiksavać, što pryznaje ŭkrainskuju dziaržaŭnaść i harantuje, što nie budzie pahražać našaj dziaržavie.
Zrazumieła, što ŭ siońniašnich umovach heta hučyć absurdna, uličvajučy rasijskaje ŭvarvańnie. Ale našyja Uzbrojenyja siły adabjucca ad voraha, i treba budzie harantavać dalejšaje mirnaje raźvićcio Ukrainy. Tady budzie važnym, kab Rasija pastaviła svoj podpis pad harantyjami dla našaha suvierenitetu razam ź inšymi harantami».
Ciapier čytajuć
Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi18
Kamientary