Niamiecki ŭrad štohod płacić 70 tysiač jeŭra za ŭtrymańnie «Ruskaha doma» ŭ Bierlinie
Niahledziačy na vajnu va Ukrainie i šmatlikija patrabavańni ab zakryćci, urad Hiermanii praciahvaje finansavać utrymańnie «Ruskaha doma» ŭ Bierlinie — rasijskaha kulturnaha centra, jaki niebiespadstaŭna ličycca instrumientam raspaŭsiudžvańnia rasijskaj prapahandy, piša Bild.
Pavodle aficyjnych danych, u 2024 hodzie Hiermanija apłaciła za «Ruski dom» ziamielny padatak pamieram u 70 tysiač jeŭra. U Ministerstvie zamiežnych spraŭ rastłumačyli, što heta — jurydyčny abaviazak Hiermanii jak uładalnika ziamielnaha ŭčastka, jaki vynikaje z pahadnieńnia z Rasijaj 2013 hoda ab uzajemnym vykarystańni budynkaŭ kulturnych ustanoŭ.
«Ruski dom» u Bierlinie, kiravany rasijskim dziaržaŭnym ahienctvam «Rassupracoŭnictva», jakoje znachodzicca pad sankcyjami ES, nieadnarazova traplaŭ u skandały. U jaho ścienach, naprykład, pakazvali film, dzie ŭkraincaŭ pradstaŭlali nacystami, a taksama pravodzili sakretnyja mierapryjemstvy ź simvolikaj Pucina i vajskovaj formaj. Jość infarmacyja, što centr padtrymlivaŭ i arhanizataraŭ prarasijskich akcyj u Hiermanii.
Niamiecki palityk Robin Vahienier z partyi «Zialonyja» vystupiŭ z patrabavańniem spynić finansavańnie «Ruskaha doma», adznačyŭšy: «Hety centr treba zakryć, a nie ŭtrymlivać za košt fiederalnaha biudžetu». Jaho frakcyja maje namier damahacca hetaha padčas biudžetnych pieramovaŭ.
Adnak na hety momant nijakich realnych dziejańniaŭ pa spynieńni finansavańnia abo zakryćci centra nie nazirajecca.
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary
A Biełaruś jany bačać tolki jak častku Rasiei. I robiać usio, kab Biełaruś stała častkaj Rasiei.