Adyjozny deputat Viarchoŭnaj Rady Jaŭhien Šaŭčenka taksama pajšoŭ va ŭkrainskaje vojska
Pamiatajecie deputata Rady Jaŭhiena Šaŭčenku, jaki jeździŭ niekalki razoŭ da Łukašenki? Niadaŭna prajšła infarmacyja, što jaho zatrymali na ŭkrainska-polskaj miažy. Ale ciapier jon abjaviŭsia i śćviardžaje, što nichto jaho nie zatrymlivaŭ, zatoje jon pajšoŭ słužyć va ŭkrainskaje vojska. «Razam da pieramohi», — piša palityk.
Šaŭčenka staŭ nie pieršym ukrainskim palitykam, jaki pry dziŭnych abstavinach pajšoŭ słužyć u vojska ci terytaryjalnuju abaronu.
Raniej taksama paviedamlałasia pra zatrymańni niekalkich prarasijskich palitykaŭ. Ale paśla hetyja paviedamleńni abviarhalisia, a palityki śćviardžali, što nasamreč jany ŭstupili va ŭkrainskija siłavyja struktury. Ciapier voś sprava dajšła i da Jaŭhiena Šaŭčenki.
Šaŭčenka ŭ apošni hod staŭ u Biełarusi šyroka viadomy jak aktyŭny prychilnik Łukašenki i jahony palityčny łabist va Ukrainie.
Z samaha pačatku biełaruskich paślavybarčych pratestaŭ jon šmat vykazvaŭsia na biełaruskija temy, na ŭsie łady raschvalvajučy režym i ŭsialak haniačy jahonych apanientaŭ, nie spyniajučysia i pierad pramymi abrazami. Nieadnarazova pryjazdžaŭ i ŭ Biełaruś dla padtrymki svajho kumira na miescy, na minułahodnim «Słavianskim bazary» navat śpiavaŭ pieśni sa sceny.
Deputacki status Šaŭčenki biełaruskaja prapahanda ŭsialak vykarystoŭvaje dla imitacyi lehitymnaści ciapierašniaj biełaruskaj ułady ŭ vačach palityčnaj elity susiedniaj krainy.
Bondarava abrynułasia na muziej Janki Kupały i mastaka Sušu14
Kamientary