Hienierał Skot Bieryjer (Scott Berrier), kiraŭnik Raźviedvalnaha ŭpraŭleńnia Minabarony ZŠA, pryznaŭ važnuju pamyłku. Na jahonuju dumku, nie tolki rasijskija ekśpierty, ale i amierykanskija niedaacanili ŭzrovień rašučaści i padrychtavanaści ŭkrainskaj armii.
Padčas słuchańniaŭ u amierykanskim Sienacie pierad kamitetam pa raźviedcy Skot Bieryjer pryznaŭ, što acenki amierykanskaj raźviedki vyjavilisia zusim pamyłkovymi.
Hienierał śćviardžaje, što jon raniej ličyŭ ukrainskuju armiju niedastatkova bajazdolnaj. Jon taksama sumniavaŭsia ŭ žadańni ŭkraincaŭ zmahacca. Ale, pryznaje Bieryjer, ź jaho boku heta była niapravilnaja acenka, bo ŭkraincy vajujuć mužna i hodna, a dziejničajuć razumna.
Jak Bieryjer, tak i kiraŭnik CRU Bił Biorns i dyrektar Nacynalnaj raźviedki ZŠA Evrył Chiejns padkreślili, što Rasija taksama niedaacaniła ŭkraincaŭ. Napad na Ukrainu ahaliŭ słabaści rasijskaj armii, u tym liku paskudnaje płanavańnie vajennaj apieracyi i nizki bajavy duch vajskoŭcaŭ.
Bieryjer i Chiejns taksama vykazalisia nakont pieradačy Ukrainie polskich Mihaŭ. Bieryjer padtrymaŭ mierkavańnie Pientahona ab tym, što pieradača źniščalnikaŭ ukrainskaj armii nie pryniasie joj vialikaj karyści, a tolki pavysić ryzyku eskałacyi kanfliktu. Hienierał taksama padkreśliŭ, što ŭkraincy davoli dobra vykarystoŭvajuć tuju supraćpavietranuju zbroju, jakaja ŭ ich ŭžo jość.
Michaił Zyhar: Pucina cikavić ciapier tolki minułaje, a słuchaje jon tolki Juryja Kavalčuka
«My prosta maryli patrapić u karcar». Minčanka raskazała pra ździeki z zatrymanych u izalatarach
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary