Pavieł Vinahradaŭ: Ja nie znajšoŭ ničoha lepšaha, jak kryknuć «Milicyja z narodam!»

«Dobry dzień, hramadzianin Fejsbuk!

Vinahradaŭ Pavieł Jurjevič, 1988 h. n, jaki znachodzicca na prafiłaktyčnym uliku jak asoba, schilnaja da prajaŭleńnia ahresii, zachopu zakładnikaŭ, napadu na supracoŭnikaŭ administracyi, ekstremizmu i inšym destruktyŭnych dziejańniaŭ.

Asudžany pa art 130, 342, 367 KK RB, prysudžany da 5 hadoŭ pazbaŭleńnia voli.

Lublu žełacinavych mišak.

U suviazi z hetym chaču raskazać tabie historyju majho zatrymańnia.

Śvieta była doma ŭ słuchaŭkach na zvanku z kalehami, u pakoi za začynienymi dźviaryma, i prapuściła ŭsio dziejstva. Kali b usio rabili dosyć cicha, to i nie zaŭvažyła b, jak vykrali muža).

Źbiraju ja kiešary svaje sirockija, kab iści da śledčaha, jaki vyklikaŭ mianie da siabie ŭ toj dzień 22 śniežnia.

Pajšoŭ u kamorku nad padvałam, kab kanviertaŭ dadatkova ŭziać. Nu i čuju hałasy mužčynskija z vulicy. «Voś, dumaju, tatka moj — niadobry čałaviek. Znoŭ pryvioŭ da mianie kahości biez papiaredžańnia. A ja zaniaty ŭvohule, ja ŭ turmu źbirajusia».

Potym čuju, jak adkryvajucca pieršyja dźviery: «Milicyja!!». E, jaje — dumaju, naŭrad ci heta tatka. Adčyniajucca druhija dźviery: «Milicyja!!!»

I ja nie znajšoŭ ničoha lepšaha, darahi Fejsbuk, čym kryknuć: «Z narodam!!!» u adkaz.

A sam dumaju: «M-m-m-m, Paša. Jaki bliskučy žart. A hałoŭnaje — svoječasovy. Ciapier tabie dakładna karačun».

Ale ad takoha pavarotu ačmureŭ nie tolki ja. Čałaviek za braniavanym ščytom, mabyć, taksama. Bo jon prosta staić u prajomie i maŭčyć.

Padrychtavacca da maski-šou nielha, ale ja paru razoŭ prakručvaŭ u siabie ŭ hałavie, što ja budu rabić. Vyrašyŭ, što budu spakojna kłaścisia na padłohu i zaviadu ruki za śpinu.

Dyk voś my prosta staim i hladzim adzin na adnaho moŭčki. Ja pahladzieŭ na padłohu pierad saboj. Potym na jaho. Na padłohu. Na jaho. Jon maŭčyć.

A ja ŭvieś čas čakaju kamandu «Na padłohu!».

Dobra, dumaju, ci mała čaho jon maŭčyć. Moža, zadumaŭsia. Ja ta viedaju, što rabić. Nu i loh. Dalej ty viedaješ, darahi Fejsbuk.

Nahadvaju, što maje lubimyja pryviety — heta sała i kanfiety.

Dziakuj usim, chto padtrymlivaje! Ja viarnusia!»

***

Pavieł Vinahradaŭ 16 sakavika byŭ asudžany Minskim abłasnym sudom da piaci hadoŭ źniavoleńnia. Sud prachodziŭ za začynienymi dźviaryma.

Paŭła abvinavačvali pavodle troch kryminalnych artykułaŭ za dopis u Fejsbuku:

— 130 (raspalvańnie rasavaj, nacyjanalnaj, relihijnaj abo inšaj sacyjalnaj varožaści),

— 342 (arhanizacyja i padrychtoŭka dziejańniaŭ, što hruba parušajuć hramadski paradak, abo aktyŭny ŭdzieł u ich),

— 387 (paklop u dačynieńni da prezidenta).

Vinahradaŭ užo byŭ asudžany ŭ 2011 hodzie na 4 hady (ale vyjšaŭ na volu ŭ vieraśni 2011-ha).

Letam 2021 hoda Paŭła asudzili spačatku na 15, potym jašče na 30 dzion aryštu za emacyjny dopis u Fejsbuku, u jakim jon krytykavaŭ ideju vychadu na pratest 9 maja (ale sud uhledzieŭ u dopisie zaklik da niesankcyjanavanaj akcyi). Za toj ža dopis na jaho zaviali kryminalnuju spravu ab paklopie na Łukašenku. Ale tady Pavieł paśla 48 dzion vyjšaŭ na volu.

Zatrymali jaho kančatkova 22 śniežnia.

Čytajcie taksama:

Pavieł Vinahradaŭ napisaŭ tekst na vypadak svajho zatrymańnia, dzie raspavioŭ, čym dapamahčy jamu i siamji

Pavieł Vinahradaŭ raspavioŭ fiejeryčnuju historyju pra toje, jak milicyjaniery jamu viartali samahon

• 0
• 0
• 0
• 0
• 0
• 0
• 0
• 0