«Źviestki paćviardžajuć fakty zhvałtavańnia zatrymanych». AAN pradstaviła dakład ab masavych represijach u Biełarusi ŭ 2020 hodzie
Pra heta havorycca ŭ spravazdačy, padrychtavanym Upraŭleńniem Viarchoŭnaha kamisaryjata AAN pa pravach čałavieka (UVKPČ).
«Źbivali pratestoŭcaŭ, pakul jany nie hublali prytomnaść, — paviedamiła, vystupajučy ŭ Pałacy Nacyj u Ženievie viarchoŭny kamisar AAN pa pravach čałavieka Mišel Bačelet. — Pry hetym suprać demanstrantaŭ užyvalisia śviatłošumavyja hranaty i stalovyja kuli z humovym pakryćciom, što pryviało da šmatlikich ciažkich traŭmaŭ».
Pa infarmacyi, atrymanaj z vartych davieru krynic, adznačyła viarchoŭny kamisar, u vyniku praźmiernaha prymianieńnia siły ŭ chodzie pratestaŭ zahinuli prynamsi try čałavieki. Ułady Biełarusi admaŭlajuć adkaznaść za hibiel hetych ludziej, choć nijakaha rasśledavańnia, jak havorycca ŭ spravazdačy UVKPČ, nie pravodziłasia.
«Našy danyja paćviardžajuć fakty zhvałtavańnia zatrymanych i prymianieńnia inšych formaŭ seksualnaha i hiendernaha hvałtu ŭ dačynieńni jak mužčyn — tak i žančyn, — raskazała Bačelet. - Miedycynskija zapisy, vyvučanyja UVKPČ, pakazvajuć na najaŭnaść traŭmaŭ mužčynskich hienitalij. Da zatrymanych taksama ŭžyvaŭsia psichałahičny cisk, u tym liku i pahrozy zhvałtavańnia».
Mišel Bačelet zaklikała ŭrad Biełarusi nieadkładna vyzvalić usich palitviaźniaŭ i spynić parušeńni pravoŭ čałavieka.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary