Adbyłasia heta radasnaja dla biełaruskich zaŭziataraŭ padzieja ŭ matčy plej-of Lihi čempijonaŭ suprać rumynskaj «Tymišaary».
Kapitan zbornaj Biełarusi Alaksandr Hleb zabiŭ svoj pieršy hoł pa viartańni ŭ niamiecki «Štuthart».
Zdaryłasia heta ŭ matčy plej-of futbolnaj Lihi čempijonaŭ suprać rumynskaj «Tymišaary»,
jaki niamiecki kłub vyjhraŭ u haściach ź likam 2:0.
Kamandy hulali ŭ Tymišaary 18 žniŭnia.
Niemcy adkryli lik ŭ matčy. Na 28-j chvilinie pienalci realizavaŭ Cima Hiebchart, za znos rumynskaha forvarda «Štutharta» Čypryjana Maryki.
A ŭžo praz chvilinu paśla pryhožaha solnaha prachodu, prajšoŭšy piać supiernikaŭ!, hoł u varoty haspadaroŭ zabiŭ Alaksandr Hleb. 0:2.
Matč i skončyŭsia z takim likam 0:2. Hleb atrymaŭ na 60-j chvilinie papiaredžańnie, a na 61-j chvilinie Markus Babiel jaho zamianiŭ na Ełsana.
Hulnia ŭ adkaz projdzie praz tydzień u Štutharcie. Pieramožca dvuboju traplaje ŭ hrupavy turnir Lihi čempijonaŭ. Kamanda, što prajhraje, trapić u hrupavy turnir Lihi Jeŭropy.
***
Alaksandr Hleb hulaŭ za «Štuthart» z 2000 pa 2005 hady, potym try siezony pravioŭ za łondanski «Arsienał» (2005—2008), siezona za «Barsiełonu» (2008—2009). U «Štuthart» viarnuŭsia pry kancy lipienia. U matčach bundeślihi suprać «Volfsburha» i «Frajburha» vychodziŭ u startavym składzie, ale ŭ druhim tajmie jaho taksama mianiali.
U aŭtorak prajšli jašče čatyry matčy plej-of Lihi čempijonaŭ:
«Siełtyk» – «Arsienał» – 0:2, «Sportynh» – «Fijarencina» – 2:2, «Kapienhahien» — «APOJEŁ» – 1:0. «Šeryf» — «Alimpijakas» – 0:2. Ciraspalski «Šeryf» treniruje biełaruski śpiecyjalist Leanid Kučuk.
Jak bačym, try ź piaci matčaŭ skončylisia pieramohaj haściej ź likam 0:2.
Kamientary