MZS Ukrainy paraiła kaleham «ničoha nie jeści i nie pić» na pieramovach
Pierad pačatkam siońniašnich pieramovaŭ u Stambule ministr zamiežnych spraŭ Ukrainy Dźmitryj Kuleba paraiŭ usim, chto budzie na pieramovach z Rasijaj, ničoha nie jeści i nie pić, a taksama pa mahčymaści paźbiahać dakranańnia da pavierchniaŭ.
Kuleba raspavioŭ pra heta ŭ intervju kanału «Ukraina 24», piša BBC.
Učora šerah ŚMI sa spasyłkaj na svaje krynicy paviedamili pra vierahodnaje atručeńnie rasijskaha miljardera Ramana Abramoviča i inšych udzielnikaŭ rasijska-ŭkrainskich pieramovaŭ na pačatku sakavika.
Niekatoryja, u tym liku i pradstaŭniki amierykanskaj vyviedki, pastavilisia da paviedamleńniaŭ ab mahčymym atručeńni sa skiepsisam.
Siońnia ŭ Stambule idzie novy raund pieramovaŭ pamiž Rasijaj i Ukrainaj.
Kamientary