Šmat u jakich krainach śvietu ciapier admaŭlajucca ad abaviazkovaha našeńnia masak. Biełarusy, adčuvajecca, taksama ad hetaha stamilisia, tym bolš što my ŭžo nie znachodzimsia na piku pandemičnaj chvali.
Ale navat kali kolkaść vypadkaŭ kavidu nizkaja, jość hrupa ludziej, jakim usio roŭna maski pryniasuć karyść. Heta tyja, chto pakutuje na alerhiju.
Šmat chto z alerhołahaŭ padtrymlivaje ideju pastajanna nasić maski jak minimum na vulicy, kali ŭ pavietry šmat pyłku. Pra ich karyść śviedčyć, naprykład, daśledavańnie, praviedzienaje ŭ Izraili ŭ 2020 hodzie, u jakim udzielničali 215 miedsiaścior. 42% ź ich kazali, što paśla taho, jak jany tydzień nasili chirurhičnyja maski i jašče tydzień — reśpiratary N95, jany pačali mienš čchać. Źniziłasia i vastrynia inšych simptomaŭ siezonnych alerhij, piša Wall Street Journal.
Amal lubaja maska z tych, što my pryvykli vykarystoŭvać suprać kavidu, budzie abaraniać alerhikaŭ i ad čaścinak pyłku. Siaredni pamier takich čaścinak — 30-40 mikronaŭ, što našmat bolš virusnaj čaścinki karanavirusa, pamier jakoj składaje mienš za 10 mikronaŭ. Asabliva karysna dla alerhikaŭ nasić maski ŭ vietranyja dni, tym bolš što taki srodak abarony ad pyłku duža tanny i nie patrabuje recepta ad doktara.
Ź inšaha boku, nie ŭsie ludzi staviacca z razumieńniem, kali bačać čałavieka ŭ mascy na vulicy, bo my pryvykli ličyć, što kavid lahčej pieradajecca ŭ pamiaškańniach. Ale vopyt pakazvaje, što taki srodak ad alerhii sapraŭdy efiektyŭny. Naprykład, muž i troje dziaciej amierykanki Džeki Bojłan pakutujuć na alerhiju. I, jak jana kaža, za dva hady pandemii i našeńnia masak jany pačali siabie adčuvać našmat lepiej i ŭžo daŭno nie naviedvali svajho doktara.
Atrymali bustar ad kavidu? Mahčyma, bolš vakcynavacca vam nie treba budzie
Chłopiec, što pravioŭ žyćcio ŭ płastykavym boksie. Sumnaja historyja
Ciapier čytajuć
Słova «Unavatuna» značyć «raj». Dzie na Šry-Łancy adpačyvała Mielnikava13
Kamientary