Siońnia źjaviłasia videa, na jakim bačna, jak ukrainskija vajskoŭcy prosta adsoŭvajuć miny ŭ bok nahami, kab ačyścić darohu. Heta vyhladaje niebiaśpiečnym.
Adnak usia sprava ŭ miechaniźmie spracoŭvańnia min, pakazanych na videa. Vajskoviec patłumačyŭ «Našaj Nivie», čamu tak možna:
«Heta supraćtankavaja mina, jakaja spracoŭvaje pry ŭździejańni vialikaj vahi. Čałaviek moža navat stać na jaje biez nastupstvaŭ. Unutry tam płastykavaja detal, jakaja łamajecca pry najeździe techniki, i adbyvajecca detanacyja».
Rasijskija vojski paśla miesiaca ciažkich bajoŭ nie zdoleli akružyć stalicu Ukrainy i pačali adstupleńnie ŭ kirunku Biełarusi.
Niekalki dzion tamu ŭkrainskija vojski viarnuli kantrol nad stratehična važnymi haradami Irpień i Makaraŭ, a taksama nad Bravarskim rajonam na pravym bierazie Dniapra. Učora rasijskija vojski pakinuli Čarnobylskuju AES na pravabiarežžy Dniapra i Słavucič na levym bierazie. A siońnia źjaviłasia videa, jak likujučyja žychary sustrakajuć ukrainskuju armiju, abdymajuć bajcoŭ u pasieliščach Staraja i Novaja Basań Čarnihaŭskaj vobłaści i Ivankaŭ Kijeŭskaj vobłaści.
Viartańnie ŭkraincami kantrolu nad Ivankavam asabliva značnaje. Praz hety nasieleny punkt prachodzić adzinaja daroha, pa jakoj išło zabieśpiačeńnie rasijskich čaściej u Bučy i Vorzieli. Ciapier jany mohuć apynucca ŭ katle, i adstupać mohuć tolki pa pantonnaj pierapravie cieraz raku Ciecieraŭ.
Žychary Ivankava (Kijeŭskaja vobłaść) vitajuć ukrainskich bajcoŭ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)