Žycharu Bychava dali dva hady kałonii za «kłas» u «Adnakłaśnikach»
Sud Bychaŭskaha rajona razhledzieŭ kryminalnuju spravu ŭ dačynieńni da miascovaha žychara Alaksandra Aŭdziejuka. Jaho abvinavacili adrazu pa dvuch artykułach Kryminalnaha kodeksa: paklop u dačynieńni da Łukašenki (č. 1 art. 367) i abraza Łukašenki (č.1 art. 368), paviedamlaje «Viasna».
Pavodle materyjałaŭ spravy, Aŭdziajuk pastaviŭ «kłas» pad pastom u pabliku ŭ «Adnakłaśnikach». U paście źmiaščaŭsia fotazdymak Łukašenki i abraźlivy nadpis, źviazany z abvinavačańniem u fašyźmie.
Padsudny na pracesie śćviardžaŭ, što jahony «kłas» nijakaj «asabistaj pomstaj» Łukašenku nie źjaŭlajecca:
«Heta nie było asabistaj pomstaj prezidentu. Pry im ja adsłužyŭ u milicyi, atrymaŭ kvateru. Da jaho ŭ mianie nijakich pretenzij nie było i niama. Peŭnyja dziejańni, jakija mahli vyklikać niejki niehatyŭ, ździajśniaje nie jon, a inšyja ludzi. Čamu pakinuŭ kłas? Moža paviejaŭ viecier pieramien, moža i chaciełasia pieramien tady», — zajaviŭ Aŭdziajuk.
Słuchać nichto ničoha nie staŭ. Paśla troch pasiedžańniaŭ sudździa Marozaŭ asudziŭ Alaksandra Aŭdziejuka da pazbaŭleńnia voli terminam na dva hady kałonii ahulnaha režymu.
Kamientary