Mižnarodny fiestyval mastactvaŭ «DACH‑9» źbiare pad adnym dacham žyvapis, fota, pierformans, muzyku, videa‑art i inšyja vidy mastactva.
Pra heta paviedamili na pres‑kanfierencyi 19 žniŭnia jaho idejnyja natchnialniki i kaardynatary Dźmitryj Jurkievič (Mitryč) i Aleś Rodzin (Dziu).
Na praciahu šaści tydniaŭ, z 25 žniŭnia pa 20 vieraśnia, u respublikanskaj mastackaj halerei «Pałac mastactva» buduć pradstaŭlenyja piersanalnyja i hrupavyja prajekty viadomych i pačynajučych biełaruskich aŭtaraŭ, a taksama raboty ich kaleh z Hiermanii, Narviehii, Italii, Polščy, Ukrainy, Rasii, Hałandyi, Japonii, ZŠA i Izraila. Štotydzień buduć źmianiacca ekspazicyi płastyčnych mastactvaŭ, pravodzicca kancerty, śpiektakli, paetyčnyja vystupleńni, videapakazy, lekcyi, majstar‑kłasy i inšyja akcyi, jakija paznajomiać hledačoŭ z tvorčaściu mastakoŭ, jakija pracujuć u roznych žanrach, kirunkach i stylach.
U pastajannaj ekspazicyi na čas praviadzieńnia fiestyvalu budzie pradstaŭleny maštabny art‑prajekt «Achviary Mastactva».
Fiestyval pravodzicca pry padtrymcy Biełaruskaha sajuza mastakoŭ i bierlinskaha mastackaha centra «Tachieles».
