U najaŭnaj situacyi ŭ suviazi z vyjaŭleńniem pieršaha ŭ Biełarusi vypadku zaražeńnia virusam hrypu A(N1N1), tak zvanaha śvinoha hrypu, Ministerstva achovy zdaroŭja zaklikaje hramadzian «nie bajacca i nie panikavać».Pra heta zajaviła namieśnik ministra achovy zdaroŭja, hałoŭny sanitarny ŭrač Biełarusi Valancina Kačan uviečary 19 žniŭnia na bryfinhu ŭ Minsku.
Jana raskazała, što hramadzianin Kitaja, u jakoha 19 žniŭnia ŭ Biełarusi łabaratorna paćvierdziŭsia virus A(N1N1), adčuŭ niedamahańnie 12 žniŭnia. Pavodle infarmacyi Kačan, hramadzianin Kitaja, jaki vučycca ŭ aśpirantury BDU ŭ Minsku, 10 žniŭnia viarnuŭsia z žonkaj u Biełaruś z adpačynku, jaki pravodziŭ u KNR. Uviečary 14 žniŭnia jon źviarnuŭsia ŭ balnicu ŭ suviazi ź pieršymi simptomami hrypu ŭ žonki. Adnak u jaje virus A(N1N1) miedyki nie vyjavili.
Pavodle słoŭ namieśnika ministra achovy zdaroŭja, ciapier hramadzianin Kitaja i jaho žonka prachodziać lačeńnie. Stan ich zdaroŭja zdavalniajučy.
Jak padkreśliła Kačan, usie mierapryjemstvy, nakiravanyja suprać raspaŭsiudžvańnia hrypu, pravodziacca ŭ poŭnym ab`iomie. Pavodle jaje słoŭ, na siońnia ŭ śviecie zafiksavana bolš za 200 tys. vypadkaŭ novaha virusa. Padčas siezonnaj epidemii kanca 2008 — pačatku 2009 hoda ŭ Biełarusi na vostryja reśpiratornyja zachvorvańni zachvareli kala 3 młn. čałaviek, na hryp — kala 1 młn. čałaviek.
Namieśnik ministra spadziajecca, što tyja zachady, jakija robić Ministerstva achovy zdaroŭja, dazvolać praduchilić uspyšku zachvorvańnia na novy virus u krainie.
Treba adznačyć, što jašče ŭ pieršaj pałovie dnia 19 žniŭnia na pres‑kanfierencyi ŭ Minsku Valancina Kačan śćviardžała, što łabaratorna paćvierdžanych vypadkaŭ hrypu A(H1N1) u Biełarusi nie vyjaŭlena.Razam z tym jana zaznačyła: uličvajučy, što virus vyjaŭleny ŭ 156 krainach, nielha śćviardžać, što hryp A(H1N1) nie budzie zaviezieny ŭ Biełaruś.
13 žniŭnia hałoŭny sanitarny ŭrač Rasii Hienadź Aniščanka zajaviŭ, što ŭ Biełarusi, raźmieščanaj u centry Jeŭropy, «nie moža nie być śvinoha hrypu».
Pavodle apošnich źviestak Jeŭrapiejskaha centra pa prafiłaktycy i baraćbie z zachvorvańniami, u śviecie zafiksavanyja 231 tys. 353 vypadki zachvorvańnia ludziej na śviny hryp, ź ich 2 tys. 107 vypadkaŭ — sa śmiarotnym zychodam.
