Chapiła na dzieviać chvilin. Jak rasijskaje telebačańnie cenzuruje mižnarodny sport
Rasijskaja prapahanda znajšła novaha voraha — spartyŭnaje zamiežža. Pryncyp «heta nie my fašysty, a vy fašysty» tolki ciaham minułaha ŭik-enda dvojčy vykarystaŭ fiederalny kanał «Matč». Praŭda, zrabiŭ heta nastolki niahiehła, što imhnienna pieratvaryŭsia ŭ abjekt kpinaŭ z boku karystalnikaŭ.
Raspačałosia ŭsio padčas subotniaj tranślacyi hałoŭnaj sustrečy 28-ha tura niamieckaj Bundeślihi. Nie prajšło i čverci hadziny ŭ vyśviatleńni adnosinaŭ «Barusii» z Dortmunda dy «Lejpcyha», jak kamientatar raptoŭna pierarvaŭ žyvy efir.
«K sožaleniju, my dołžny priervaťsia, priervať našu tranślaciju po niezavisiaŝim ot nas pričinam, potomu čto, kak priniato sčitať, futboł vnie politiki, no v niemieckoj bundieślihie nie vsiehda sobludajetsia eto praviło».
— nastojaŝij Nizovciev (@zimbru_khv) April 2, 2022
Sportivnoje hostv katitsia tuda žie, kuda i obyčnoje. #MatčTVpozor pic.twitter.com/W9l5J298Cu
Napačatku Ihar Kytmanaŭ patłumačyŭ fors-mažor abstavinami, jakija nie zaležać ad tranślatara. Adnak paśla ŭdakładniŭ: maŭlaŭ, u Bundeślizie vyrašyli nie prytrymlivacca pryncypu «sport pa-za palitykaj» — i heta spravakavała rasijskuju reakcyju ŭ adkaz.
Nu a mienš, čym praz 24 hadziny, situacyja paŭtaryłasia znoŭ. Tolki na hety raz rasijanie pratrymalisia ŭsiaho dzieviać chvilin dvuboja miž «Majncam» dy «Barusijaj» ź Mionchienhładbacha. Paśla čaho ŭžo biez ekivokaŭ u efir pajšło abvinavačvańnie Hiermanii ŭ palityzacyi sportu.
"My častieńko hovorim o tom, čto sport vnie politiki, no v Hiermanii poroj sčitajut inačie i potomu naša tranślacija budiet zavieršiena"
— Volodymyr Harets (@VHarets) April 3, 2022
Śohodni Matč TV vistačiło vśoho na 10 chvilin hri Borusija M - Majnc.
Skažiť, a nachuja vi počinajetie, vi dumajetie, ŝo ćoho baniera nie budie? pic.twitter.com/0I9OMwL702
Što vyklikała abureńnie televizijnych bosaŭ? Pierš za ŭsio, baner «Stop war» na fonie ŭkrainskaha ściaha, jaki piermanientna źjaŭlaŭsia na centralnaj led-paneli stadyjonaŭ. Pa-druhoje, chešteh «Stand with Ukraine» — jon supravadžaŭ bolšaść infarmacyjnych paviedamleńniaŭ padčas sustrečy. Apošniaj ža kroplaj stała demanstracyja zaŭziataraŭ z błakitna-žoŭtym praparami.
Jak raskazali nam znajomyja ź situacyjaj, bujnyja płany fanaŭ kiraŭnictva «Matču» pryraŭniała da antyrasijskaj prapahandy, tamu dało zahad «nacisnuć na rubilnik».
Cikava, što Bundeśliha ŭžo daŭno razhladajecca rasijskimi fiederałami jak varožaja arhanizacyja. U sakaviku «Matč» aburyŭsia patrabavańniem pravaŭładalnikaŭ zamianić emblemu turnira va ŭsich efirach — i admoviŭsia pierafarboŭvać łoha spabornictva ŭ žoŭta-błakitnyja kolery.
The Bundesliga will donate one million euros for humanitarian causes in Ukraine.
— DW Sports (@dw_sports) March 3, 2022
The German league has changed its logo colors to show solidarity and support for the people of Ukraine for the coming matchday. pic.twitter.com/IomZDOB4ob
U adkaz pryjšła ledźvie nie sudovaja pozva z pahrozaj ad niamieckaha futbolnaha sajuza razarvać kantrakt. Tady da radykalnych mier sprava nie dajšła, niahledziačy na toje, što rasijanie praciahnuli efiry biez pravak.
Adnak ciapier, vierahodna, supracoŭnictva usio ž spynicca — častkova albo całkam. Chacia «Matč» naŭradci hetym budzie šakavany.
Napačatku viasny krainu, što raźviazała vajnu, pakinuli biez efiraŭ anhlijskaja Premjer liha dy francuzskaja Liha 1 — kantrakty skasavalisia jeŭrapiejcami ŭ adnabakovym paradku.
Darečy, manipulacyi z pakazami futbołu dla «Matča» — nie navina. Niekalki tydniaŭ tamu kanał adznačyŭsia»pry tranślacyi hulni Lihi Jeŭropy miž «Vest Chemam» dy «Sieviljaj». Kali na 88-j chvilinie sustrečy anhlijski kłub kidaŭ u boj ukrainca Andreja Jarmolenku, režysiory pierakryli zamienu płanam stadyjona.
Kali ž paŭabaronca na 112-j chvilinie prynios łondancam pieramohu zamiest jaho śviatkavańnia hledačy pabačyli… čałavieka, što łasavaŭsia burhieram! Miž tym, miač zajmieŭ vyrašalnaje značeńnie dy vyvieŭ «Vest Chem» u nastupny raund spabornictva.
Pryncypovaść TB, mahčyma, była b zrazumiełaj pry peŭnaj paśladoŭnaści ŭ dziejańniach fiederałaŭ. Adnak na tym ža minułym tydni viadučy žyvoha efiru Anton Anisimaŭ padčas padsumavańnia vynikaŭ kvalifikacyi ČS-2022 pa futbole nazvaŭ hulcoŭ zbornaj Polščy «miarzotnymi istotami».
I zrabiŭ heta tolki tamu, što polskija spartoŭcy adabralisia na «mundzial» biez vočnaha zmahańnia z rasijanami. Apošnich, nahadajem, za ahresiju z boku dziaržavy ŭ dačynieńni da Ukrainy dyskvalifikavali z usich turniraŭ pad ehidaj FIFA i UEFA jakraz napiaredadni raunda płej-of.
Anisimaŭ ža, jaki ledźvie nie harantavaŭ rasijanam miesca na forumie, pabačyŭ u hetym palityčnuju sprobu pieraškodzić spartyŭnym pryncypam. I tamu «daŭ volu emocyjam prostaha zaŭziatara».
Nijakaj palityki «Matč» nie pabačyŭ i ŭ žyvoj tranślacyi kancertu «Za śviet biez nacyzmu! Za Rasiju! Za Prezidenta!», jaki adbyŭsia ŭ siaredzinie sakavika ŭ «Łužnikach».
Prapahandziscki śpič Uładzimira Pucina, jaki apraŭdvaŭ raźviazanuju va Ukrainie vajnu, słuchali tolki na terytoryi stadyjona pad 200 tysiač čałaviek.
Tranślatar ža apraŭdvaŭ pakaz mierapryjemstva najaŭnaściu tam vielizarnaj kolkaści spartoŭcaŭ-čempijonaŭ: fihurystki Sinicynaj, himnastki Avierynaj, łyžnika Balšunova, płyŭca Ryłova i jašče dziasiatka alimpijcaŭ. Da taho ž vieŭ mierapryjemstva hołas rasijskaha bijatłonu Dźmitryj Hubiernijeŭ.
U vyniku śpievy Paliny Haharynaj dy patryjatyčnyja nastaŭleńni Aleha Hazmanava aŭdytoryja «Matču» čuła ciaham niekalkich hadzin zamiest prahladu realnych spabornictvaŭ — tych, dziela jakich i zapuskaŭsia telekanał.
Nu i kaniešnie, jakaja ž palityka na kanale, jaki vyklučaje sa svaich šychtoŭ top-kamientataraŭ, što dazvolili sabie krytyčnyja vykazvańni na adras ułady ci jaje dziejańniaŭ? Miž inšym, zvalnieńni takoha kštałtu adbyvajucca na «Matčy» z 2016 hoda, pra što mohuć raspavieści Alaksiej Andronaŭ dy Dzianis Kazancaŭ. Śviežyja prykłady — historyi Dźmitryja Šniakina dy Ramana Nahučava, jakich «adchilili ad pracy na niavyznačany termin»…
Vasil Utkin — darečy, taksama zvolnieny z kanała hołas sportu — niadaŭna padličyŭ, što dyktatura na kanale kaštavała pracy ŭžo bolš jak dziasiatku supracoŭnikaŭ. I adtok kadraŭ, pa anonsie profi, praciahniecca.
Tamu, kaniešnie, samy čas vinavacić u palityzacyi sportu Bundeślihu — inšych prykładaŭ uvarvańnia prapahandy na čužoje pole i ŭjavić niemahčyma…
«Naša Niva» adnaŭlaje zbor danataŭ — padtrymać prosta
Polšča admaŭlajecca hulać z Rasijaj u płej-of Čempijanatu śvietu
Ciapier čytajuć
U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym7
Kamientary