Apieracyja «MAK» pravodziłasia upraŭleńniem unutranych spraŭ Minskaha abłvykankama ciaham červienia i lipienia. Za hety čas było źniščana 722,2 kh maka i 5,4 tysiačy kiłahram kanoplaŭ. Ahulnaja vaha narkaŭtrymalnych raślin skłała 6,1 tony.
Pry hetym bolšaja častka źničanych raślin mieli sielskahaspadarčaje pachodžańnie - vyroščvalisia na admysłovych dzialankach. Było vyjaŭlena 267 faktaŭ niezakonnych pasievaŭ narkaŭtrymalnych raślin. Płošča pasievaŭ - 34,3 tysiačy kvadratnych mietraŭ.
Paralelna z vyjaŭleńniem pasievaŭ viałosia «palavańnie» na ich haspadaroŭ i dyleraŭ. Da administracyjnaj adkaznaści za vyroščvańnie raślin pryciahnuta 192 čałavieki, da kryminalnaj (niezakonny abarot narkotykaŭ) - 105.
Pry hetym milicyja i nadalej źbirajecca zajmacca vyjaŭleńniem pasievaŭ «traŭki». Ale ŭžo zamiest rejdaŭ prosić dapamohi hramadzian. Žadajučym paviedamić pra śpiecyfičnyja pasievy prapanujecca telefanavać na minski telefonny numar 229-05-23.
0
0
0
0
0
0
