«Pažar adbyŭsia ŭ sieradu ranicaj kala ambasady Rasii ŭ Buchareście. Kiroŭca ŭjechaŭ na aŭtamabili ŭ płot, jaki atačaje budynak, u vyniku sutyknieńnia mašyna zaharełasia, vadziciela vyratavać nie ŭdałosia», — pieradaje kanał Digi 24.
Na miesca avaryi pryjechali pažarnyja, ahoń užo patušyli. Pasažyraŭ u sałonie nie było.
Pa danych krynic telekanała, paśla sutyknieńnia, žandar, jaki dziažuryŭ kala pasolstva, zapatrabavaŭ, kab kiroŭca vyjšaŭ z mašyny. Toj admoviŭsia i niešta vyhuknuŭ siłaviku, paśla čaho pačałosia ŭzharańnie.
Chutkaść, ź jakoj mašyna ŭjechała ŭ aharodžu, była vielmi vysokaj, mašyna zmahła prarvacca praz aharodžu, paviedamlaje telekanał. Pavodle jaho infarmacyi, aharodžu la ambasady ŭstalavali na fonie pratestaŭ, jakija prachodzili la budynka na praciahu niekalkich apošnich tydniaŭ.
