Miedźviadčuk — kum Uładzimira Pucina, adzin z hałoŭnych prarasijskich palitykaŭ Ukrainy. U lutym jon uciok z-pad chatniaha aryštu.
Miedźviadčuk, jakoha ŚMI nazyvajuć «kumam Pucina», prachodzić padazravanym pa spravie ab dziaržaŭnaj zdradzie, sadziejničańni terarystyčnym arhanizacyjam i finansavańni teraryzmu. Sprava zaviedzienaja z-za pastavak vuhalu z samaabvieščanych Danieckaj i Łuhanskaj narodnych respublik u 2014—2015 hadach, kali na Danbasie išła vajna.
Daradca kiraŭnika Ofisa prezidenta Ukrainy Alaksiej Arastovič prakamientavaŭ zatrymańnie Miedźviedčuka:
«Miedźviadčuk nie byŭ u Kijevie. Jaho ŭziała Słužba biaśpieki Ukrainy, jakaja, skažam tak dalikatna, šukała, šukała i znajšła».
Jon nazvaŭ Miedźviedčuka «vielmi kaštoŭnym resursam», jaki moža raskazać, chto prasoŭvaŭ prarasijskija nastroi va Ukrainie. «Jon ciapier vielmi šmat cikavych padrabiaznaściaŭ raskaža», — skazaŭ Arastovič.
A druhi daradca, Michaił Padalak, vykazaŭsia tak:
«Miedźviedčuku siońnia, kab vyžyć, treba schavacca va ŭkrainskaj turmie. Z harantavanym šmathadovym turemnym terminam. U RF jaho abaviazkova likvidujuć jak čałavieka, jaki rehularna chłusiŭ pra nastroi va Ukrainie, kraŭ hrošy i ŭ vyniku staŭ adnym ź inicyjataraŭ vajny».
Paśla ŭciokaŭ Miedźviedčuka žurnalisty zmahli naviedali jahonyja rezidencyi, jakija patanajuć u raskošy.
Čytajcie taksama:
Futra, zołata i nastalhija pa saŭku. Tak vyhladaje zakarpackaja rezidencyja kuma Pucina Viktara Miedźviedčuka ŠMAT FOTA
Pobač z pałacam Miedźviedčuka znajšli jaho raskošny vahon-restaran ŠMAT FOTA
