Mnohija impartnyja miedpreparaty mohuć u Biełarusi źniknuć, a što zastaniecca — mocna padaražeje
U ruki błohiera Antona Matolki patrapiŭ pratakoł pracoŭnaj narady ministra achovy zdaroŭja Dźmitryja Pinieviča z kiraŭnikami farmaceŭtyčnych pradpryjemstvaŭ Biełarusi ad 5 krasavika 2022 hoda. Tam apisanaja ciapierašniaja situacyja na farmaceŭtyčnym rynku ŭ Biełarusi (u suviazi z sankcyjami) i płany na budučyniu, jak zabiaśpiečyć krainu lekami, kali z Ukrainy i Jeŭrasajuza pastaŭki niemahčymyja.
Asnoŭnyja tezisy dakumienta:
- RUP «Biełmiedpreparaty» čakajuć straty ŭ pamiery 4,5 młn rubloŭ (z-za roźnicy ŭ kursavych vahańniach rubla).
- Niespryjalnaja źniešniepalityčnaja i sacyjalna-ekanamičnaja situacyja stvaraje krytyčnyja ryzyki dla funkcyjanavańnia farmaceŭtyčnaj pramysłovaści RB.
- Prahnazujecca ŭskładnieńnie pastavak syraviny, materyjałaŭ i abstalavańnia z krain Jeŭrasajuza. Majecca ryzyka admovy ŭ pastaŭkach.
- Aktyvizavany pošuk pa impartazamiaščeńni pradukcyi, jakaja vykarystoŭvajecca dla vytvorčaści lekaŭ: «Biellespapierapram» (kardonnaja ŭpakoŭka), «Biełdziaržcharčpram» (chłaryd natryju), «Biełaruskaja šklanaja kampanija» (butelki, ampuły, fłakony), ZAT «Biełaruskaja nacyjanalnaja bijatechnałahičnaja karparacyja» (biazvodnyja hlukoza, kruchmał bulbiany) i h. d.
- Praciahvaje fiksavacca značny rost cenaŭ na syravinu i materyjały jak impartnaj, tak i biełaruskaj vytvorčaści. Rost vydatkaŭ na vytvorčaść lekavych srodkaŭ u studzieni—sakaviku 2022 hoda aceńvajecca ŭ 8,5%.
- Asnoŭny rynak dla ekspartu — Rasija (75% usiaho ekspartu). Kali ŭ abjomach pastavak ničoha nie źmienicca, Biełaruś usio roŭna paniasie istotnyja straty z-za kursu valut.
- Biahučaja situacyja paciahnie za saboj kasavy razryŭ ŭžo ŭ traŭni—červieni 2022 hoda (kasavy razryŭ — situacyja, kali prychodzić čas čarhovaha abaviazkovaha płaciažu, a hrošaj na jaho nie chapaje).
- Šukać alternatyŭnych pastaŭščykoŭ i vytvorcaŭ syraviny dla vytvorčaści lekavych preparataŭ (zamiest ES i Ukrainy) buduć u Kitai.
Kamientary