Staršynia Federacyi chakieja Alaksandr Bahdanovič u kicieli i miedalach FOTAFAKT
U tavarystvie «Dynama» prajšła hanarovaja cyrymonija z udziełam funkcyjanieraŭ. Ale našu ŭvahu pryciahnuła nie samo mierapryjemstva, a staršynia Federacyi chakieja Alaksandr Bahdanovič, jaki pryjšoŭ u paradnaj formie ŭnutranych vojsk, uviešanaj miedalami. Što heta za ŭznaharody?
Pačniem ź miedaloŭ źleva na fota. Uviersie — orden Pašany. Jaho ŭručajuć za dasiahnieńni ŭ roznych śfierach. Nižej, u formie mnohavulnika, — nahrudny znak fizkulturna-spartyŭnaha tavarystva «Dynama».
Znak u vyhladzie romba — ab zakančeńni ŭstanovy vyšejšaj adukacyi (padobna da taho, što vydaje Akademija kiravańnia).
Jašče adzin znak — «Za adznaku» ad Ministerstva ŭnutranych spraŭ.
Ź inšaha boku kiciela — jubilejnyja miedali, jakija nie niasuć asablivaj kaštoŭnaści.
Bahdanovič — zasłužany majstar sportu, hanarovy hramadzianin Babrujska i Asipovickaha rajona. Z 2016 pa 2019 hady byŭ deputatam Pałaty pradstaŭnikoŭ. Kiravać chakiejem alimpijskaha čempijona pa viesłavańni pastavili ŭ minułym hodzie.
Kamientary