Zapłacić padatki i zbory ciapier možna ŭ infakijoskach «Biełarusbanka»

Najbujniejšy ajčynny bank — «Biełarubank» — sumiesna ź Ministerstvam pa padatkach i zborach realizavaŭ prajekt pa pryjomie padatkovych płaciažoŭ u infakijoskach.

Jak paviedamlaje pres‑słužba banka, płaciažy mohuć ažyćciaŭlać fizičnyja asoby, u tym liku indyvidualnyja pradprymalniki, u jakich jość płastykavaja kartka AAT «AAB «Biełarusbank». Pasłuha budzie padklučacca paetapna — da kanca žniŭnia stanie dastupnaj va ŭsich infakijoskach Minska, a na praciahu vieraśnia — u infakijoskach inšych haradoŭ.

U pieraliku płaciažoŭ, jakija dastupny da vypłaty ŭ infakijoskach, — bolš za 30 vidaŭ padatkaŭ i zboraŭ.

Jak rastłumačyli ŭ «Biełarusbanku», rašeńnie ab paetapnym padklučeńnia pasłuhi pryniata dla taho, kab na praktycy aprabavać novuju sistemu apłaty i ŭličyć usie mahčymyja prapanovy jaje karystalnikaŭ. Kali prapanoŭ, skiravanych na ŭdaskanalvańnie sistemy elektronnaj vypłaty padatkaŭ, ad klijentaŭ najbližejšym časam nie pastupić, to rehijony buduć achopleny raniej za vyznačany termin.

Pavodle infarmacyi «Biełarusbanka», u pracesie ŭkaranieńnia sumiesnaj pasłuhi baki sutyknulisia ź dźviuma ciažkaściami — adsutnaść adzinaj respublikanskaj bazy źviestak płacielščykaŭ z utrymańniem nieabchodnych rekvizitaŭ dla ažyćciaŭleńnia płaciažoŭ i zabarona na raskryćcio padatkovaj tajny bankam. Adnak uźnikłyja prablemy byli vyrašany.

Dla zručnaści płacielščykaŭ im prapanavana niekalki sposabaŭ vypłaty padatkaŭ i zboraŭ u infakijoskach AAT «AAB «Biełarusbank»:

pa vystaŭlenaj sumie, pa ŭviedzienych źviestkach i z dapamohaj vybaru źviestak z daviednikaŭ. U vypadku vypłaty padatkaŭ pa vystaŭlenaj sumie trymalniku płastykavaj kartki budzie dastatkova ŭvieści ŭlikovy numar płacielščyka i pravieryć pravilnaść infarmacyi. Pry vypłacie pa ŭviedzienych źviestkach usiu infarmacyju (kod padatku, biudžetny rachunak, kod banka i sumu apieracyi) nieabchodna budzie ŭvodzić uručnuju. Kali ž trymalnik kartki addaść pieravahu płaciažu z vybaram źviestak z daviednikaŭ, to spačatku nieabchodna budzie vybrać z prapanavanych śpisaŭ kod padatku, padatkovuju inśpiekcyju i biudžetny rachunak, paśla čaho ŭvieści sumu zapazyčanaści.

U dalejšych płanach «Biełarusbanka» i Ministerstva pa padatkach i zborach — realizavać mahčymaść vypłaty padatkaŭ i zboraŭ z dapamohaj pasłuh «SMS‑bankinh», «M‑bankinh», «interniet‑bankinh», što dazvolić trymalnikam kartak pravodzić płaciažy kruhłasutačna, niezaležna ad svajho miescaznachodžańnia, u lubym punkcie śvietu.

BiełaPAN

• 0
• 0
• 0
• 0
• 0
• 0
• 0
• 0