«U nas viadziecca praca pa padklučeńni da kitajskich sistem, i jana chutka skončycca», — skazaŭ Sielivierstaŭ u efiry telekanała «Biełaruś 1».
Pavodle jaho słoŭ, heta paskoryć prachodžańnie płaciažoŭ, viartańnie vyručki i padatkovyja pastupleńni ŭ biudžet.
«My handlujem z kitajskim bokam, z kitajskimi partniorami čaściakom, u tym liku ŭ juaniach, u ich nacyjanalnaj valucie. … U ich jość svaja sistema, jakaja pieravodzić juani. Kali my budziem atrymlivać vyručku ŭ juaniach za svoj ekspart, my zmožam nabyvać tam, umoŭna kažučy, niejkija tavary elektroniki, vykarystoŭvajučy hetuju valutu tam ža, u ich, pieravodziačy hrošy pa ich sistemie», — praciahnuŭ Sielivierstaŭ.
Jon dadaŭ, što mahčymaść raźličvacca ŭ roznych valutach i vykarystoŭvać roznyja sistemy źnižaje ryzyki i daje bolš harantyj, što «za tavar, jaki ty pastaviŭ, vierniecca vyručka i ty zmožaš rabić raźliki».
Ciapier UnionPay padtrymlivajecca bolš čym u 170 krainach i rehijonach śvietu, ale Biełarusi ŭ śpisie dahetul nie było.
Kartki hetaj płaciežnaj sistemy stali karystacca vialikim popytam u Rasii paśla taho, jak ź joj admovilisia pracavać Visa i Mastercard. Pry hetym, praŭda, UnionPay aścierahajecca supracoŭničać z padsankcyjnymi rasijskimi bankami praź vierahodnaść patrapić pad druhasnyja sankcyi.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)