Kiraŭnik praŭładnych prafsajuzaŭ: Siaredni zarobak u śfiery kultury — tolki 56% ad siaredniaha pa krainie
Staršynia praŭładnaj Fiederacyi prafsajuzaŭ Biełarusi Michaił Orda, vystupajučy na V miedyjaforumie «Praca rehijanalnych ŚMI ŭ sučasnaj ličbavaj prastory», zakranuŭ pytańnie zarobkaŭ u biudžetnaj śfiery i źviarnuŭ uvahu na dysbałans u zaležnaści ad kankretnych prafiesij.
Orda śćviardžaje:
«U Hienieralnym pahadnieńni zafiksavana, što zarobak biudžetnikaŭ pavinien składać nie mienš za 80% u dačynieńni da siaredniaha zarobku pa krainie. I ŭ cełym pa vynikach hoda pakazčyk praktyčna vykonvajecca.
Adnak šmat u čym taki vynik atrymany za košt rostu siaredniaha zarobku rabotnikaŭ śfiery achovy zdaroŭja, dzie byli značnyja vypłaty za pracu va ŭmovach pandemii.
U toj ža čas šerah inšych rabotnikaŭ biudžetnych śfieraŭ pa-raniejšamu maje nievysokija dachody.
Najbolš składanaja situacyja nazirajecca ŭ śfiery kultury, dzie suadnosiny ŭzroŭniu naličanaj siaredniamiesiačnaj zarpłaty da siaredniaj pa krainie nie pieravyšaje 56%. Da prykładu, zarpłata mnohich muziejnych rabotnikaŭ składaje ad 460 da 750 rubloŭ.
Biezumoŭna, hetaje pytańnie treba vyrašać sumiesna z uradam».
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary