Ałkahol z kryvioju raźmiarkoŭvajecca pa ŭsich sistemach čałaviečaha arhanizma. Voś jak na złoŭžyvańnie ałkaholem reahuje naša skura.
Kali ŭžyvać zanadta šmat ałkaholu, heta pieraškodzić samym roznym pracesam u arhaniźmie, u tym liku abmienu rečyvaŭ. Ałkahol vyklikaje abiazvodžvańnie, što ŭpłyvaje na vyhlad tvaru: skura robicca mienš pruhkaj i bolš suchoj, na joj čaściej źjaŭlajecca razdražnieńnie i mikratraŭmy.
Tyja, chto pje zanadta šmat, bolš schilnyja da bakteryjalnych i hrybkovych infiekcyj i znachodziacca pad pavyšanaj ryzykaj raźvićcia skurnych zachvorvańniaŭ — naprykład, psaryjazu. Skura takich ludziej stareje bolš chutka, u joj zapavolvajecca vyrab kałahienu i białku — asnoŭnych budaŭničych kampanientaŭ skury.
Ałkahol taksična ŭpłyvaje na tkanki i praz heta ŭ ich parušajecca zasvajeńnie karysnych rečyvaŭ. Niedachop vitaminaŭ i minieralnych elemientaŭ vyklikaje prablemy ź imunitetam skury i raźvićcio niepryhožych źmien skury na tvary, vałasy i nohci takich ludziej robiacca bolš łomkimi. U asnoŭnym ałkaholikam nie chapaje kalcyju, mahniju, žaleza i cynku, a taksama vitaminaŭ A, V2, S, Je, K. Niedachop vitamina S, naprykład, vyklikaje źjaŭleńnie ciomnych siniakoŭ pad skuraj, a taksama zapavolvaje zažyŭleńnie ran.
U tych, chto złoŭžyvaje ałkaholem, skura bolš ćmianaja, jana maje niepryhožy šera-žoŭty koler, na takoj skury chutčej źjaŭlajucca marščyny. Na skury zaležnych ad ałkaholu čaściej łopajucca kapilary, možna adznačyć taksama pašyreńnie sasudaŭ — voś adkul biarecca pačyrvanieńnie ščok i nosa. U dadatak na skury mohuć źjavicca vialikija čyrvonyja plamy — heta simptom niepieranasimaści ałkaholu.
Adziny efiektyŭny sposab pazbavicca ad hetaha pačyrvanieńnia skury — značna źnizić spažyvańnie ałkaholu abo ŭvohule admovicca ad jaho.
Akramia taho, jość i inšyja prykmiety «ałkaholnaj» skury — sinija cieni, acioki i miaški pad vačami. Usio heta nie prosta prydaje vam nieestetyčny i stomleny vyhlad, takija źjavy mohuć taksama być prajavami paharšeńnia stanu ŭnutranych orhanaŭ, naprykład, nyrak abo piečani. Kali vy zaŭvažajecie ŭ siabie hetyja simptomy, nieadkładna admaŭlajciesia ad ałkaholu, inakš nastupstvy mohuć być duža drennymi.
Siarod raspaŭsiudžanych simptomaŭ złoŭžyvańnia ałkaholem śvierb na skury. Pryčyn u jaho šmat: alerhija na ałkahol, cieraźmiernaje vysychańnie skury praz abiazvodžvańnie arhanizma, zachvorvańni piečani i žoŭcievyvodziačych šlachoŭ, a taksama puchliny — ałkahol pavyšaje ryzyku raźvićcia raku.
Ci maje značeńnie toje, kolki ty pješ?
Adnarazovaje ŭžyvańnie małych doz ałkaholnych napojaŭ, chutčej za ŭsio, nie vyklikaje značnych drennych nastupstvaŭ. Ale kali za adzin raz vypić šmat ci ŭžyvać ałkahol sistematyčna, vynikam mohuć stać značnyja prablemy sa zdaroŭjem.
Kolki ž ałkaholu ŭžyvać biaśpiečna? SAAZ ličyć, što heta zaležyć ad poła i ad rehularnaści ŭžyvańnia takich napojaŭ. Kali razmova pra adnarazovaje ŭžyvańnie ałkaholu, biaśpiečnaja doza dla mužčyn składaje nie bolš za 60 hramaŭ 100%-naha ałkaholu, to-bok nie bolš za 3 paŭlitrovyja butelki piva, 3 kielichi vina pa 200 mililitraŭ ci 180 mililitraŭ harełki. U vypadku z žančynami rajać nie pieravyšać dozu ŭ 40 hramaŭ 100%-naha ałkaholu ci nie bolš za 2 paŭlitrovyja butelki piva, 2 kielichi vina pa 200 mililitraŭ ci 120 mililitraŭ harełki.
Ale, kali čałaviek užyvaje ałkahol rehularna, ekśpierty rajać ustrymlivacca ad jaho nie mienš za 2 dni na tydzień. Dla mužčyn maksimalnaja doza pavinna skłaści nie bolš za 40 hramaŭ 100%-naha ałkaholu (2 paŭlitrovyja butelki piva, 2 kielichi vina pa 200 mililitraŭ ci 120 mililitraŭ harełki), a dla žančyn — nie bolš za 20 hramaŭ 100%-naha ałkaholu (paŭlitrovaja butelka piva, 200 mililitraŭ vina ci 60 mililitraŭ harełki).
Kamientary