Fota: pixabay.com
Chrap uźnikaje, kali muskuły jazyka, rota i horła rassłablajucca, i ŭ vyniku zvužajecca patok pavietra, što prachodzić praź ich. Čałaviek nie moža całkam udychnuć, tamu jaho orhany pačynajuć vibryravać, kali jany pytajucca dastavić da jaho lohkich pavietra. Hetaja vibracyja — i jość chrap.
Mužčyny pakutujuć na chrap prykładna ŭ dva razy čaściej, čym žančyny, i faktaraŭ ryzyki moža być šmat. Siarod ich nazyvajuć alerhiju, praces stareńnia, prastudu ci navat admietnuju formu vašaha horła, lišniaja vaha taksama moža hrać rolu ŭ raźvićci chrapu.
Zanadta suchoje ci vilhotnaje pavietra ŭ pakoi moža pahoršyć chrap. Niepryjemnaj źjavie taksama spryjajuć ałkahol i son na śpinie ci na vysokaj padušcy.
Chrap sam pa sabie nie źjaŭlajecca razładam. Ale jon moža śviedčyć pra najaŭnaść apnoe — patencyjna niebiaśpiečnaj chvaroby, jakaja pryvodzić da taho, što na praciahu nočy dychańnie spyniajecca i pačynajecca znoŭ, što nie daje vam jakasna adpačyvać. Apnoe taksama moža pavysić ryzyku vysokaha kryvianoha cisku i sardečnaj niedastatkovaści.
Kali vy nie ŭpeŭnienyja, ci chrapicie vy, to heta možna lohka daviedacca. Spampujcie na telefon mabilny dadatak, naprykład, SnoreLab, i zapuścicie jaho, pakul vy śpicie. Dadatak pačnie zapis, kali vyjavić šum, i ranicaj vy sami zdolejecie pačuć svoj chrap, kali jon jość.
U vypadku, kali vy znajšli ŭ siabie chrap i ćviorda vyrašyli ź im zmahacca, pačać možna z samych prostych rekamiendacyj. Varta stavicca da prablemy chrapu surjozna, bo kali čałaviek chrapić vielmi šmat, chutčej za ŭsio, jon maje apnoe snu.
Śpicie na baku. U Izraili praviali daśledavańnie, zhodna ź jakim amal pałova ludziej z chrapam i apnoe snu pierastavali chrapieć, kali źmianiali pazicyju. Jość śpiecyjalnyja paduški i majki, jakija nie daduć vam spać na śpinie, ale pry žadańni vy i sami možacie niešta zašyć u zvyčajnuju majku, što zrobić son na śpinie niekamfortnym — naprykład, tenisnyja miačyki.
Uzmacniajcie jazyk. Adna z najbolš raspaŭsiudžanych pryčyn chrapu — toje, što jazyk ślizhaje nazad u horła. Samy prosty sposab heta praduchilić — rabić štodzień praktykavańni dla jazyka, jakija možna znajści ŭ siecivie, ale pamiatajcie, što efiekt ad ich moža źjavicca tolki praź niekalki tydniaŭ.
Taksama jość šerah pryładaŭ suprać chrapu, naprykład, ramieńčyki dla padbarodka ci pašyralniki nozdraŭ. Majcie na ŭvazie, što hetyja pryłady pracujuć nie dla ŭsich. Vaš stan taksama mohuć palepšyć prybory dla ŭvilhatnieńnia pavietra.
Kali ŭsio heta nie dapamahaje, varta źviarnucca da doktara, kab daviedacca, ci nie chavajecca za vašym chrapam apnoe snu. Miedyk moža parekamiendavać bolš surjoznaje lačeńnie i ŭ samym ciažkim vypadku navat apieracyju na jazyku ci horle.
Ale ž jość niešta jašče, što vy možacie zrabić sami — źnizić vahu cieła. Kali vy na heta pojdziecie, heta źnizić cisk na dychalnaje horła i dazvolić bolšaj kolkaści pavietra traplać u vašy lohkija.
Jak časta treba mianiać praścinu? Ekśpierty kažuć, što ad hetaha zaležyć vaša zdaroŭje
