Храп — праблема, што не толькі перашкаджае навакольным, але і можа сведчыць пра сур’ёзныя праблемы са здароўем. Калі вы нарэшце вырашылі з ёй разабрацца, вось што трэба рабіць.
Храп узнікае, калі мускулы языка, рота і горла расслабляюцца, і ў выніку звужаецца паток паветра, што праходзіць праз іх. Чалавек не можа цалкам удыхнуць, таму яго органы пачынаюць вібрыраваць, калі яны пытаюцца даставіць да яго лёгкіх паветра. Гэтая вібрацыя — і ёсць храп.
Мужчыны пакутуюць на храп прыкладна ў два разы часцей, чым жанчыны, і фактараў рызыкі можа быць шмат. Сярод іх называюць алергію, працэс старэння, прастуду ці нават адметную форму вашага горла, лішняя вага таксама можа граць ролю ў развіцці храпу.
Занадта сухое ці вільготнае паветра ў пакоі можа пагоршыць храп. Непрыемнай з’яве таксама спрыяюць алкаголь і сон на спіне ці на высокай падушцы.
Храп сам па сабе не з’яўляецца разладам. Але ён можа сведчыць пра наяўнасць апноэ — патэнцыйна небяспечнай хваробы, якая прыводзіць да таго, што на працягу ночы дыханне спыняецца і пачынаецца зноў, што не дае вам якасна адпачываць. Апноэ таксама можа павысіць рызыку высокага крывянога ціску і сардэчнай недастатковасці.
Калі вы не ўпэўненыя, ці храпіце вы, то гэта можна лёгка даведацца. Спампуйце на тэлефон мабільны дадатак, напрыклад, SnoreLab, і запусціце яго, пакуль вы спіце. Дадатак пачне запіс, калі выявіць шум, і раніцай вы самі здолееце пачуць свой храп, калі ён ёсць.
У выпадку, калі вы знайшлі ў сябе храп і цвёрда вырашылі з ім змагацца, пачаць можна з самых простых рэкамендацый. Варта ставіцца да праблемы храпу сур’ёзна, бо калі чалавек храпіць вельмі шмат, хутчэй за ўсё, ён мае апноэ сну.
Спіце на баку. У Ізраілі правялі даследаванне, згодна з якім амаль палова людзей з храпам і апноэ сну пераставалі храпець, калі змянялі пазіцыю. Ёсць спецыяльныя падушкі і майкі, якія не дадуць вам спаць на спіне, але пры жаданні вы і самі можаце нешта зашыць у звычайную майку, што зробіць сон на спіне некамфортным — напрыклад, тэнісныя мячыкі.
Узмацняйце язык. Адна з найбольш распаўсюджаных прычын храпу — тое, што язык слізгае назад у горла. Самы просты спосаб гэта прадухіліць — рабіць штодзень практыкаванні для языка, якія можна знайсці ў сеціве, але памятайце, што эфект ад іх можа з’явіцца толькі праз некалькі тыдняў.
Таксама ёсць шэраг прыладаў супраць храпу, напрыклад, раменьчыкі для падбародка ці пашыральнікі ноздраў. Майце на ўвазе, што гэтыя прылады працуюць не для ўсіх. Ваш стан таксама могуць палепшыць прыборы для ўвільгатнення паветра.
Калі ўсё гэта не дапамагае, варта звярнуцца да доктара, каб даведацца, ці не хаваецца за вашым храпам апноэ сну. Медык можа парэкамендаваць больш сур’ёзнае лячэнне і ў самым цяжкім выпадку нават аперацыю на языку ці горле.
Але ж ёсць нешта яшчэ, што вы можаце зрабіць самі — знізіць вагу цела. Калі вы на гэта пойдзеце, гэта знізіць ціск на дыхальнае горла і дазволіць большай колькасці паветра трапляць у вашы лёгкія.
Як часта трэба мяняць прасціну? Эксперты кажуць, што ад гэтага залежыць ваша здароўе
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1313
Каментары