Dziaržaŭnyja ŚMI: «Aŭtuchoviča mohuć rasstralać». Ci praŭda heta?
18 maja pačaŭsia sud pra spravie Mikałaja Aŭtuchoviča: jaho vystaŭlajuć kiraŭnikom terarystyčnaj hrupoŭki. Dziaržaŭnyja prapahandysty paviedamlajuć: Aŭtuchovič abvinavačvajecca pa 12 artykułach Kryminalnaha kodeksa, 6 ź ich — za asabliva ciažkija złačynstvy, adzin sa składaŭ praduhledžvaje vyšejšuju mieru pakarańnia (rasstreł abo pažyćciovaje pazbaŭleńnie voli). Vychodzić, što Aŭtuchoviču mohuć prysudzić rasstreł?
«Śmiarotnaje pakarańnie Mikałaju Aŭtuchoviču prysudzić nie mohuć. Tamu što nichto nie zahinuŭ», — kaža juryst Pavieł Sapiełka.
U artykule 59 Kryminalnaha kodeksa prapisana: «u jakaści vyklučnaj miery pakarańnia dapuskajecca prymianieńnie śmiarotnaha pakarańnia (rasstrełu) za niekatoryja asabliva ciažkija złačynstvy, spałučanyja z naŭmysnym pazbaŭleńniem žyćcia čałavieka pry abciažvajučych abstavinach».
«Ciapier hetaja norma była źmieniena. Byli pryniatyja papraŭki, zhodna ź jakimi śmiarotnaje pakarańnie mahčymaje navat u vypadku zamachu na ździajśnieńnie teraktu. Ale Aŭtuchoviča sudziać jašče pa starym zakanadaŭstvie, bo jaho ŭčynki byli ździejśnienyja da ŭviadzieńnia papravak. Adpaviedna, rasstralać jaho nie mohuć, bo jaho dziejańni nie paciahnuli hibiel ludziej», — tłumačyć Pavieł Sapiełka.
Nahadajem, Mikałaja Aŭtuchoviča i šerah źviazanych ź im, na dumku śledstva, ludziej, zatrymali ŭ śniežni-studzieni 2020 hoda. Ułady adrazu abviaścili Aŭtuchoviča arhanizataram i kiraŭnikom «terarystyčnaj hrupoŭki», jakaja dziejničała na terytoryi Hrodzienskaj vobłaści i nibyta padpalvała aŭtamabili i damy supracoŭnikaŭ milicyi. Usiaho pa «spravie Aŭtuchoviča» prachodziać 12 čałaviek.
Mikałaj Aŭtuchovič, abvinavačvajecca pavodle 12 artykułaŭ Kryminalnaha kodeksa, siarod jakich zdrada dziaržavie, sadziejničańnie ŭ terarystyčnaj dziejnaści, niezakonnyja dziejańni ŭ dačynieńni da ahniastrelnaj zbroi i vybuchovych rečyvaŭ, zamach na zachop ułady niekanstytucyjnym šlacham, stvareńnie złačynnaj arhanizacyi, raspalvańnie rasavaj, nacyjanalnaj, relihijnaj varožaści abo varožaści, kantrabanda, akt teraryzmu.
-
Urad zaćvierdziŭ dziaržzakaz na ahurki i pamidory
-
«Pipiec… A padciracca čekam?» Biełarusy abmiarkoŭvajuć kviest z naviedvańniem prybiralni na vakzale ŭ Dokšycach
-
«Zatoje nie było adčuvańnia, što ty źvier». Sieviaryniec raspavioŭ, u jakuju pakutu pieratvarajecca ŭ źniavoleńni zvyčajnaje pytańnie hihijeny
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary