U Hiermanii ŭsio leta možna budzie jeździć na hramadskim transparcie za 9 jeŭra na miesiac
Bundesrat uchvaliŭ pakiet dapamohi žycharam Hiermanii ŭ suviazi z rostam cenaŭ na enierhanośbity z-za vajny, raźviazanaj Rasijaj va Ukrainie. Ciapier na haradskim transparcie i ciahnikach rehijanalnych linij možna budzie jeździć usiaho za 9 jeŭra ŭ miesiac. Tanny prajazny budzie dziejničać z 1 červienia da kanca leta 2022 hoda.
Pa słovach čyhunačnikaŭ, kvitok za 9 jeŭra budzie dziejničać ź pieršaha pa apošni dzień miesiaca. Tamu kali kupić jaho tolki ŭ siaredzinie miesiaca, to vykarystoŭvać možna budzie tolki na praciahu toj pałovy, jakaja zastałasia. Adnak možna nabyć kvitki na ŭsie try miesiacy adnačasova z pačatku prodažaŭ 23 maja.
Tyja, u kaho ŭžo jość prajaznyja na miesiac (a kaštujuć jany zvyčajna doraha — naprykład, u Frankfurcie 94,50 Jeŭra), usio adno zmohuć kupić novy bilet. Pry hetym im viernuć hrošy za ŭžo najaŭnyja prajaznyja. Padobnaja inicyjatyva abydziecca niamieckamu biudžetu prykładna ŭ 2,5 młrd jeŭra.
Reakcyja adnosna hetaha nieadnaznačnaja. Adnyja palityki radujucca i kažuć, što kvitok pavinien dziejničać pa ŭsioj krainie i daŭžej, čym try miesiacy: heta ž tak dobra i dla žycharoŭ, i dla abarony klimatu. Inšyja ž krytykujuć biurakratyčnuju ciahaninu i aścierahajucca, što z-za napłyvu achvotnych tanna padarožničać transpart budzie pierapoŭnieny.
-
Archieołahi znajšli dokazy taho, što najstaražytniejšyja prodki čałavieka — jakija žyli 2,5 młn hadoŭ tamu — užo ŭmieli navučać i pieradavać viedy
-
Tramp zajaviŭ, što ZŠA nie buduć udzielničać u samicie G20 u PAR
-
ZŠA nie buduć błakavać pastaŭki rasijskaj nafty i hazu ŭ Vienhryju, zajaviŭ Orban paśla sustrečy z Trampam
Kamientary