Na raźvitańni prysutničali ministr abarony Leanid Malcaŭ, kamandujučyja vajskova-pavietranymi siłami Biełarusi i Polščy, pradstaŭniki miascovaj ułady. Fotarepartaž Julii Daraškievič.
Na raźvitańni prysutničali ministr abarony Leanid Malcaŭ, kamandujučyja vajskova-pavietranymi siłami Biełarusi i Polščy, pradstaŭniki miascovaj ułady. Fotarepartaž Julii Daraškievič.
2 i 3 vieraśnia ŭ Baranavičach - žałoba. Usie raźmieščanyja na fłahštokach dziaržaŭnyja ściahi i ściahi VPS pryspuščany, mnohija ściahi na budynkach majuć čornyja stužki.
Sioleta biełaruskaja vajskovaja avijacyja ŭpieršyniu ŭdzielničała ŭ avijašou ŭ Radamie — najbujniejšym u Polščy. Na stajancy demanstravalisia frantavy bambavik Su-24M 116-j hvardziejskaj Radamskaj Čyrvanaściažnaj bambardzirovačna-raźviedvalnaj avijacyjnaj bazy (Roś, Hrodzienskaja vobłaść) i transpartny samalot Ił-76MD 50-j źmiašanaj avijacyjnaj ordena Čyrvonaj Zorki bazy (Mačuliščy, Minski rajon).
Šmatfunkcyjanalny źniščalnik Su-27UBM-1 61-j źniščalnaj avijacyjnaj bazy (Baranavičy, Bresckaja vobłaść) pad kiraŭnictvam Marfickaha i Žuraŭleviča pavinien byŭ ažyćciavić demanstracyjny palot, jon praktyčna zamykaŭ pakazalnuju prahramu.
Praź niekalki hadzin paśla katastrofy načalnik pres-słužby Ministerstva abarony Biełarusi Viačasłaŭ Ramienčyk abviaściŭ papiarednija viersiju padziej i pryčynu avaryi, jakija da hetaha času źjaŭlajucca adzinymi aficyjnymi ŭ Biełarusi.
Pavodle słoŭ Ramienčyka, padčas vykanańnia fihur vyšejšaha piłatažu źniščalnik pačaŭ hublać vyšyniu. Piłoty pryniali rašeńnie nie katapultavacca, a advieści samalot na maksimalna mahčymuju adlehłaść ad nasielenaha punkta. Takim čynam, canoj svajho žyćcia biełarusy praduchilili bolš ciažkija nastupstvy katastrofy. Pryčynaj avaryi mahło stać traplańnie ptuški ŭ pavietrazabornik ruchavika źniščalnika.
Paźniej ŚMI nazvali jašče niekalki vierahodnych pryčyn katastrofy Su-27UBM-1. Siarod ich — pamyłka piłotaŭ pry vykanańni fihury vyšejšaha piłatažu na nievialikaj vyšyni, strata prytomnaści adnym ź lotčykaŭ, a taksama «pirackaja» madernizacyja źniščalnika.
Što da viersii ab pamyłcy piłotaŭ, to treba adznačyć: zahinułyja mieli najvyšejšuju prafiesijnuju kvalifikacyju — lotčyk-snajpier. Takich śpiecyjalistaŭ u biełaruskaj vajskovaj avijacyi pa stanie na 30 žniŭnia naličvałasia ŭsiaho 20 čałaviek.
30 žniŭnia dla rasśledavańnia pryčyn avijakatastrofy była stvorana biełaruska-polskaja kamisija. Biełaruskaja vajskovaja prakuratura (BVP) raspačała spravu na padstavie č. 2 art. 465 Kryminalnaha kodeksa (parušeńnie praviłaŭ palotaŭ abo padrychtoŭki da ich, što paciahnuła pa nieaściarožnaści śmierć dźviuch ci bolš asob). Pradstaŭnik BVP pracuje ŭ składzie źmiašanaj kamisii.
U skład hrupy ŭklučany taksama śpiecyjalist strachavoj kampanii «Pramtransinviest», jakaja 24 žniŭnia zaklučyła z Baranavickaj źniščalnaj avijabazaj try damovy. Pieršaja — damova dobraachvotnaha strachavańnia pavietranaha sudna na strachavuju sumu 870 tys. dołaraŭ ZŠA. Zhodna z dakumientam, samalot Su-27UBM-1 1989 hoda vypusku naležaŭ Ministerstvu abarony, ekspłuatavaŭsia vajskovaj čaściu 54804.
Druhaja — damova dobraachvotnaha strachavańnia hramadzianskaj adkaznaści ŭładalnikaŭ pavietranych sudnaŭ ź limitam adkaznaści pierad trecimi asobami ŭ 1 młn. dołaraŭ ZŠA.
Treciaja — damova dobraachvotnaha strachavańnia ad niaščasnych vypadkaŭ (lotna-padjomny skład) na strachavuju sumu 60 tys. dołaraŭ ZŠA (pa 30 tys. dołaraŭ ZŠA na kožnuju zastrachavanuju asobu).
Alaksandr Marficki naradziŭsia 16 maja 1956 hoda ŭ pasiołku Bahušeŭsk Sieńnienskaha rajona Viciebskaj vobłaści. U 1978 hodzie skončyŭ Charkaŭskaje vyšejšaje vajennaje avijacyjnaje vučylišča lotčykaŭ, u 1987 hodzie — Vajenna-pavietranuju akademiju imia Haharyna, u 2002 hodzie — Akademiju kiravańnia pry prezidencie Biełarusi. Apošniaja pasada — namieśnik kamandujučaha Zachodnim apieratyŭna-taktyčnym kamandavańniem VPS i vojskaŭ SPA. Raniej kamandavaŭ 61-j źniščalnaj avijacyjnaj bazaj u Baranavičach. Nalot — pryblizna 2,5 tys. hadzin.
Alaksandr Žuraŭlevič naradziŭsia 28 maja 1963 hoda ŭ vioscy Kremava Michajłaŭskaha rajona Prymorskaha kraja Rasii. Adukacyja — Čarnihaŭskaje vyšejšaje vajennaje avijacyjnaje vučylišča lotčykaŭ (1984 hod). Apošniaja pasada — namieśnik kamandzira 61-j źniščalnaj avijabazy. Nalot — bolš za 1,6 tys. hadzin.
Abodva piłoty žyli ŭ Baranavičach. U Alaksandra Žuraŭleviča zastalisia dačka i žonka, u Alaksandra Marfickaha — žonka i dźvie dački.
Ciapier čytajuć
Prakurorski načalnik aburyŭsia nieabhruntavanymi zatrymańniami biełarusaŭ11
Kamientary