Biełaruskaha palituciekača, jakoha sudzili za nielehalny pierachod miažy, apraŭdaŭ polski sud
Sud u Biała-Padlascy spyniŭ kryminalny pieraśled u dačynieńni da biełarusa Vitala. Mužčynu dali palityčny prytułak u Polščy, raniej jaho abvinavačvali ŭ niezakonnym pierasiačeńni biełaruska-polskaj miažy, piša mostmedia.io.
3 červienia sud u Biała-Padlascy abviaściŭ prysud pa spravie ab biełaruskim biežancy, jaki niezakonna pierasiok biełaruska-polskuju miažu, uciakajučy ad pieraśledu režymu Łukašenki.
Sud spasłaŭsia na Ženieŭskuju kanviencyju, jakaja zabaraniaje pieraśled uciekačoŭ za niezakonnaje pierasiačeńnie miažy. Jon taksama spyniŭ kryminalnuju spravu ŭ dačynieńni da dvuch hramadzian Polščy, jakija vieźli Vitala ŭ svaim aŭtamabili ad miažy.
Biežaniec Vital rodam z Bresta, pracavaŭ indyvidualnym pradprymalnikam. Udzielničaŭ u pratestach paśla sfalsifikavanych prezidenckich vybaraŭ u 2020 hodzie. Mužčynu papiaredzili, što jaho zatrymajuć siłaviki. Jon chavaŭsia kala piaci miesiacaŭ u Biełarusi, ale ŭ sakaviku 2021 hoda vyrašyŭ biehčy ŭ Polšču.
Pakolki ŭ jaho nie było pašparta, to jon musiŭ pierachodzić miažu nielehalna. Tamu pryjšłosia pierapłyvać Buh, a nie iści praz pamiežny punkt. Mužčynu zabrali ad miažy znajomyja palaki, ale ŭ chutkim časie ich zatrymali polskija pamiežniki, z čaho i pačalisia šmatmiesiačnyja pryhody z sudami, jakija ciapier skončylisia.
Čytajcie taksama:
Biežanca ź Biełarusi buduć sudzić u Polščy za nielehalny pierachod miažy
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary