U rasijskim pałonie znachodziacca bolš za 2500 abaroncaŭ «Azoŭstali»
U rasijskim pałonie znachodziacca bolš za 2500 abaroncaŭ maryupalskaj «Azoŭstali». Takuju ličbu nazvaŭ 6 červienia prezident Ukrainy Uładzimir Zialenski padčas razmovy z žurnalistami.
«Što tyčycca pałonnych, to tam bolš za 2,5 tysiačy. Dakładniej składana skazać. Heta nie taja kolkaść ludziej, jakaja vychodziła z «Azoŭstali», kali my zajmalisia, naš bok, hetym pracesam…
Vaša pytańnie było — tam ci bolš ludziej z «Azoŭstali», vajskoŭcaŭ, jakija znachodziacca ŭ pałonie ŭ ich (čym 2 — 2,5 tys. čałaviek). Ja liču, što bolš», — adznačyŭ Zialenski, adkazvajučy na pytańnie žurnalista.
Pa jaho słovach, vyzvaleńniem bajcoŭ zajmajecca raźviedka Ministerstva abarony.
U «DNR» i rasijskich ŚMI nieadnarazova zajaŭlali, što nad abaroncami «Azoŭstali» adbudziecca trybunał. Ale prezident Ukrainy zajaviŭ, što nie ŭsprymaje surjozna słovy rasijan i bajevikoŭ tak zvanaj «DNR» pra dalejšy los pałonnych i ličyć heta tolki pijaram.
Zialenski miarkuje, što akupantam niavyhadna katavać bajcoŭ z «Azoŭstali», bo tyja stali «publičnymi pałonnymi».
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki16
Kamientary