Usiaho patrochu

Voś što možna zrabić, kab pasudamyjka lepš myła posud

Pasudamyjka mocna palahčaje žyćcio. U dadatak, takaja pryłada ekanomić čas i vadu. Ale ž kab jana dobra pracavała, treba pieryjadyčna vykonvać niekatoryja pracedury.

Fota: pixabay.com

Kali vy žadajecie, kab pasudamyjka pracavała doŭhija hady, uvažliva nazirajcie za jaje stanam, piša aniaradzi.pl.

Jość niekalki prykmiet taho, što mašynu treba čyścić:

  • niepryjemny pach;
  • reštki ježy na filtry;
  • nalot z tłušču i inšy brud na «pamytym» posudzie;
  • irža ŭnutry pasudamyjki;
  • śmiećcie na rukavach mašyny.

Kali vy budziecie čyścić mašynu, uličvajcie, što varta vymyć nie tolki jaje korpus, ale i ŭsie ŭnutranyja elemienty, pierš za ŭsio — filtr.

Kab pamyć źniešniuju častku pasudamyjki, dastatkova ŭziać mokruju anučku i nanieści na jaje niekalki kroplaŭ vadkaści dla myćcia posudu. Rehularna pracirajcie korpus pasudamyjki takoj anučkaj, kab brud na mašynie nie źbiraŭsia. Takim ža čynam možna ačyścić kraj dźviercaŭ mašyny i ciažkadastupnyja elemienty (mahčyma, u hetym vam dapamoža zubnaja ščotka).

Što da ŭnutranych elemientaŭ mašyny, lepiej za ŭsio ich čyścić z dapamohaj śpiecyjalnych srodkaŭ dla pasudamyjki. Takija vadkaści palahčajuć pramyŭku najbolš važnych elemientaŭ mašyny, da jakich u nas niama pramoha dostupu. Kab brud i nalot nie źbiralisia ŭnutry pasudamyjki, užyvajcie hetyja srodki nie radziej čym raz na miesiac. I pierad tym, jak užyvać srodki dla ačystki, nie zabudźcie dastać z mašyny ŭvieś posud.

Chatnija srodki taksama mohuć ačyścić pasudamyjku.

Pierš za ŭsio, plamy i znutry, i zvonku mašyny možna prybrać z dapamohaj jabłyčnaha ci biełaha dystylavanaha vocatu. Našy prodki vykarystoŭvali hety pradukt sotni hadoŭ, kab prybrać zabrudžvańni, bo vocat zdolny adbielvać.

Źmiašajcie 2-3 šklanki vocatu i trochi myła, akunicie ŭ hety rastvor hubku ci anuču. Pratrycie joj korpus mašyny i jaje ŭnutranyja elemienty, a potym namačycie čystuju anučku vadoj i znoŭ usio pratrycie.

Možna dezynfikavać pasudamyjku sumieśsiu vocatu i charčovaj sody. Padrychtujcie dla hetaha kubak, šklanku sody i šklanku vocatu, sol dla pasudamyjki i palčatki.

Pierš za ŭsio nadzieńcie palčatki i dastańcie z mašyny ŭvieś posud i zdymnyja ŭnutranyja elemienty. Praviercie, ci jość u stokach i na filtry reštki ježy, kali jość — prybiarycie ich, taksama dadajcie sol dla pasudamyjki, kali nieabchodna. Viarnicie ŭnutranyja elemienty ŭ pasudamyjku.

Pastaŭcie ŭ mašynu šklanku ci inšy posud z vocatam, potym zapuścicie pasudamyjku na adzin poŭny cykł pry tempieratury 70 hradusaŭ. Kali skončycie, pasypcie dno mašyny sodaj i znoŭ jaje zapuścicie.

Pakładzicie krejdu ŭ chaładzilnik i pabačycie, što zdarycca. Vy nie paškadujecie

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Na sustrečy Łukašenki ź biznesmienami nikomu ź ich nie dali skazać ni słova? A centralnaj zadačaj było zapałochać Kim8

Na sustrečy Łukašenki ź biznesmienami nikomu ź ich nie dali skazać ni słova? A centralnaj zadačaj było zapałochać Kim

Usie naviny →
Usie naviny

CHAMAS pieradacć cieły čatyroch zakładnikaŭ. Siarod ich — rudavałosyja małyja braty Bibasy, jakija stali ŭ Izraili simvałam trahiedyi 7 kastryčnika1

Chto taki Kit Kiełah, ad mierkavańnia jakoha zaležyć los miru va Ukrainie4

«Heta niemahčyma». Zialenski adkazaŭ Trampu na mahčymaść praviadzieńnia zaraz vybaraŭ8

Čynoŭnicu ŭ Chojnikach asudzili za karupcyju, ale pakinuli na svabodzie2

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu25

Załužny nie staŭ adkazvać na pytańnie ab udziele ŭ prezidenckich vybarach1

Zialenski adkazaŭ Trampu, kolki hrošaj Ukraina vydatkavała na vajnu i kolki ź ich było amierykanskich16

Para z Hrodna pabrałasia šlubam praz 20 hadoŭ paśla razvodu3

U Biełarusi mohuć pierahledzieć niekalki dziasiatkaŭ tysiač prysudaŭ. Ale nie palityčnych3

bolš čytanych navin
bolš łajkanych navin

Na sustrečy Łukašenki ź biznesmienami nikomu ź ich nie dali skazać ni słova? A centralnaj zadačaj było zapałochać Kim8

Na sustrečy Łukašenki ź biznesmienami nikomu ź ich nie dali skazać ni słova? A centralnaj zadačaj było zapałochać Kim

Hałoŭnaje
Usie naviny →

Zaŭvaha:

 

 

 

 

Zakryć Paviedamić