U Biełarusi palityčny prytułak paprasiŭ prarasijski polski aktyvist
Prarasijski aktyvist z Polščy Marcin Mikałajek paprasiŭ u Biełarusi palityčny prytułak. Frahmient intervju ź im apublikavali prapahandysckija telehram-kanały, całkam jano budzie pakazana siońnia ŭviečary na «Biełaruś 1».
«Na radzimie jamu pahražaje da 5 hadoŭ za padtrymku śpiecyjalnaj vajennaj apieracyi Rasii i žycharoŭ Danbasa», — raskazaŭ viadučy. Pa jakim artykule zaviedzienaja kryminalnaja sprava, nie ŭdakładniajecca.
31 maja Mikałajek napisaŭ u supołku «KPRF Sievostopol», što jahony dopyt skončyŭsia i jon «atrymaŭ abvinavačvańni». U dakumientach paznačana, što jon padazrajecca pavodle artykuła ab publičnym padbuchtorvańni da raźviazvańnia vajny (častka 3 artykuła 117 KK Polščy) i ab publičnym zakliku da ŭčynieńnia złačynstva (artykuł 126a KK Polščy).
Padstavaj dla kryminalnaha pieraśledu pasłužyli kamientary i paviedamleńni karystalnika ŭ Fejsbuku z 24 lutaha da 4 sakavika, u jakich jon «padtrymaŭ Rasiju, Uładzimira Pucina, rasijskaje vojska». Akramia taho, jon «acaniŭ raźviazvańnie i viadzieńnie zachopnickaj vajny i hvałt nad ukrainskim nasielnictvam pa pryčynie nacyjanalnaj prynaležnaści».
Na videa, jakoje pakazvaje BT, Mikałajek na ruskaj movie raskazvaje pra «rusafobiju ŭ Polščy», zajaŭlaje, što ŭ jaho rodnym horadzie Śvidnicy visić, jak jon sam ličyć, «antyrasijski biłbord «z nadpisam «Słava Ukrainie, Hierojam słava» i śćviardžaje, što ŭ jaho krainie svabody słova niama, a ŭ Biełarusi — jość.
Mikałajek siarod inšaha viadomy tym, što ŭ 2020 hodzie na vybarach prezidenta Polščy ŭpisaŭ u biuleteń kandydata «Putin W. W.». Taksama rasijskija ŚMI pisali pra toje, što jon byŭ inicyjataram uskładańnia kvietak na mohiłkach savieckim vajskoŭcam u Śvidnicy u 2019 hodzie i adnaŭleńnia mohiłak u 2022-m.
Va Ukrainie Mikałajek uniesieny ŭ bazu prajekta «Miratvorac» jak «antyŭkrainski prapahandyst».
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary