Miarkujučy pa papiarednich prahnozach, paśla niadzielnaha druhoha turu parłamienckich vybaraŭ kaalicyja Makrona «Razam!» stanovicca ich pieramožcam, ale pry hetym prezident stracić absalutny kantrol nad nižniaj pałataj, piša Bi-bi-si.
Mnohija deputaty, jakija pradstaŭlajuć centryscki prezidencki błok, prajhrali vybary ŭ svaich akruhach, i heta značyć, što ciapier Makronu budzie našmat składaniej pravodzić svaje reformy. U tym liku, pa papiarednich źviestkach, nie zmahli być abranymi ŭ parłamient ministr achovy zdaroŭja i staršynia Nacyjanalnaha schodu Francyi Ryšar Fieran.
Na druhim miescy, jak miarkujecca, apyniecca kaalicyja levych i zialonych sacyjalista Žan-Luka Miełanšona pad nazvaj Nupes, što rasšyfroŭvajecca, jak «novy ekałahičny i sacyjalny Narodny sajuz».
Adnak niadrenny vynik prademanstravała i vielmi pravaja partyja «Nacyjanalnaje abjadnańnie» na čale z Maryn Le Pen — sapiernicaj Makrona ŭ druhim tury prezidenckich vybaraŭ.
U papiarednim parłamiencie Francyi Makron kantralavaŭ bolš za 300 hałasoŭ. Dla atrymańnia absalutnaj bolšaści jamu było nieabchodna atrymać 289 mandataŭ, adnak miarkujecca, što «Razam!» zdoleła zavajavać tolki ad 150 da 180 miescaŭ u nižniaj pałacie parłamienta. Hety vynik horšy, čym da vybaraŭ čakali sacyjołahi.
Nupes taksama moža atrymać u novym parłamiencie ad 150 da 180 mandataŭ, a vielmi pravaje «Nacyjanalnaje abjadnańnie» moža pavialičyć kolkaść svaich deputataŭ z vaśmi da 80-100, paviedamlaje francuzskaja telekampanija TF1.
Paśla taho, jak Makronu nie ŭdałosia damahčysia absalutnaj bolšaści ŭ 289 miescaŭ, jamu daviadziecca šukać padtrymku ŭ inšych partyj, kab realizavać abiacanyja padčas prezidenckich vybaraŭ maštabnyja reformy, takija jak pavyšeńnie piensijnaha ŭzrostu, źnižeńnie padatkaŭ i refarmavańnie sistemy dziaržaŭnych dapamoh.
Ciapier čytajuć
«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas11
Kamientary