Zachadu nie chapaje bojeprypasaŭ dla Ukrainy na doŭhuju vajnu — brytanski ministr abarony
U Zachadu akazałasia niedastatkova bojeprypasaŭ dla padtrymki Ukrainy ŭ doŭhaj vajnie. Pra heta 23 červienia zajaviŭ ministr abarony Vialikabrytanii Ben Uoles, vystupajučy ŭ Łondanie, piša «Svaboda» sa spasyłkaj na The Times.
Jon dadaŭ, što Vialikabrytanija, ES i ZŠA nie byli hatovyja da tych pahroz, ź jakimi jany sutyknulisia, i ŭžo šmat u čym zraschodavali svaje zapasy. Pavodle słoŭ ministra, zachodniaja technika, jakaja pastaŭlajecca Ukrainie, dobra prajaŭlaje siabie na pieradavoj, ale šlachi zabieśpiačeńnia nie naładžanyja.
The Times paviedamlaje, što Ukraina ŭžo atrymała kala 300 tysiač adzinak artyleryjskich bojeprypasaŭ.
Pavodle danych Karaleŭskaha abjadnanaha instytuta abaronnych daśledavańniaŭ, kožny dzień rasijskaje vojska vykarystoŭvaje dla artyleryjskich abstrełaŭ bolš za siem tysiač snaradaŭ. Kali ŭkrainskaja armija raschoduje stolki ž snaradaŭ, kolki i rasijskaja, to najaŭnych bojeprypasaŭ chopić Ukrainie na krychu bolš čym 40 dzion. Paśla hetaha spatrebiacca novyja snarady, jakija, mahčyma, Zachad ciapier pastavić nie zmoža.
Premjer-ministr Vialikabrytanii Barys Džonsan i Uoles 20 červienia praviali pieramovy ź lidarami vajennaj haliny Vialikabrytanii ab aktyvizacyi pastavak zbroi. Uoles skazaŭ, što Minabarony viadzie pieramovy pra vytvorčaść bolšaj kolkaści 155-mm snaradaŭ i supraćtankavaj zbroi NLAW.
Na pačatak červienia ZŠA pastavili Ukrainie ŭzbrajeńnie i vajennuju techniku na sumu bolš za čatyry miljardy dalaraŭ. Vajennuju dapamohu Ukrainie akazvajuć taksama Jeŭrasajuz, Vialikabrytanija, krainy Vialikaj siamiorki i niekatoryja inšyja dziaržavy.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ1
Kamientary