Fiestyval «Rok za Babroŭ» pieranosicca jašče na hod. Apošni raz jon adbyŭsia ŭ 2019-m
Minski štohadovy muzyčny fiestyval «Rok za Babroŭ» znoŭ pieranosicca, hetym razam na 2023 hod. Takoje adbyvajecca ŭžo treci raz zapar, bo raniej fiestyval užo dvojčy pieranosili, u 2020 i 2021 hodzie: spačatku z-za karanavirusa, a paśla z-za prablem z avijaznosinami.

Sioleta «Rok za Babroŭ» nie adbudziecca z-za taho, što chedłajniery nie zmohuć pryjechać na mierapryjemstva.
«U suviazi z hieapalityčnym stanoviščam u śviecie našy chedłajniery nie majuć mahčymaści vystupić na našym fiestyvali. My razhladali roznyja łahistyčnyja łancužki i prapracoŭvali dziasiatki maršrutaŭ. Ale, na žal, znajści mahčymaść dastavić našych muzyčnych zorak z roznych kutkoŭ płaniety nie ŭjaŭlajecca mahčymym. My prosim pastavicca z razumieńniem da situacyi, jakaja skłałasia, i nie zdavać kvitki, kab padtrymać «Rok za Babroŭ», jaki abaviazkova adbudziecca ŭ 2023 hodzie», — skazana ŭ aficyjnaj zajavie.
Kvitki, nabytyja ŭ 2020 i 2021 hadach, buduć sapraŭdnyja i ŭ 2023-m.
-
Maładaja aktrysa Kołasaŭskaha teatra, jakaja začapiła ludziej vykazvańniem pra biełaruskuju movu, zvalniajecca
-
Pa-biełarusku vyjdzie «Biełaruski snajpier» pasła Šarepki, a Kviatkoŭski napisaŭ praciah «Frašak»
-
Mužčyny płačuć! Akcior i muzyka «Raźbitaha serca pacana» Pavieł Haradnicki zrabiŭ śpiektakl na vieršy Mikity Najdzionava
Kamientary