Biełaruskija śpiecsłužby prasłuchoŭvajuć svajakoŭ kalinoŭcaŭ. Frahmienty razmoŭ apublikavała BT
U siužecie BT pra zahinułych kalinoŭcaŭ pakazali prasłuchoŭku ich svajakoŭ. Zabitych bajcoŭ televiadoŭcy nazyvajuć «denacyfikavanymi».
Tak, apublikavali frahmient razmovy Śviatłany Marčuk, maci bajca Ivana «Bresta», z małodšym synam. Na tym aŭdyja žančyna płača: «Vania zahinuŭ…»
Aproč hetaha, pakazali videa ź milicejskaha kabinieta (ci kabinieta inšych siłavych struktur), dzie maci «Bresta» hutaryć ź im pa telefonie.
«Ja pahladzieła videa. Ja ŭ šoku ad ich, kaniečnie. Ja mierkavała, što ty, mahčyma, niedzie ŭ niečym zadziejničany. Što ty tam nie siadziš biez spravy, ale što voś tak…» — kaža žančyna ŭ atačeńni niejkich supracoŭnikaŭ.
Uryŭki vyhladajuć jak vyrvanyja z kantekstu.
Apublikavali taksama frahmient telefonnaj razmovy, jak śćviardžajecca, Dzianisa Urbanoviča. Tam jon raskazvaje, jak rasstralali adnaho z kalinoŭcaŭ. Što majecca na ŭvazie pad hetym, nie tłumačycca.
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka34
Kamientary