U Łatviju nie ŭpuścili 12 hramadzian Biełarusi praz padtrymku vajny va Ukrainie
Ahułam u Łatviju pa rekamiendacyjach Słužby dziaržaŭnaj biaśpieki nie puścili 53 zamiežnikaŭ.
Ad momantu ŭvarvańnia rasijskich uzbrojenych sił va Ukrainu Słužba dziaržaŭnaj biaśpieki (SDB) Łatvii ŭ supracoŭnictvie ź Dziaržaŭnaj pamiežnaj słužbaj ažyćciaŭlaje ŭzmocnieny kantrol ujezdu zamiežnikaŭ u Łatviju ŭ punktach pierasiačeńnia ŭschodniaj miažy.
Praz vyjaŭlenyja SDB ryzyki dla nacyjanalnaj biaśpieki Łatvii 53 zamiežnikam było admoŭlena va ŭjeździe ŭ Łatviju ŭ punktach pierasiačeńnia miažy, paviedamili ŭ słužbie partału Delfi.
Siarod ich 35 hramadzian Rasii, 12 hramadzian Biełarusi, a taksama piać hramadzian inšych krain, jakija, pa acency Słužby biaśpieki, mahli ŭjaŭlać pahrozu nacyjanalnaj biaśpiecy Łatvii. Tym, u kaho była dziejučaja viza dla pajezdak u Šenhienskuju zonu, jaje anulavali.
Biełarusaŭ i rasijan, jakija ŭjazdžajuć u Łatviju, staranna praviarajuć u punktach pamiežnaha kantrolu.
Meta pravierak — vyjavić tych, chto padtrymlivaje vajennuju ahresiju Rasii suprać Ukrainy i moža pradstaŭlać pahrozu nacyjanalnaj biaśpiecy Łatvii.
Asablivaja ŭvaha nadajecca zamiežnikam, jakija słužyli ŭ siłavych strukturach Rasii ci Biełarusi, publična demanstrujuć simvały padtrymki rasijskaj ahresii abo vykazvajuć niehatyŭnaje staŭleńnie da łatvijskaj dziaržavy.
Bolšaja častka zamiežnikaŭ, jakim było admoŭlena va ŭjeździe ŭ Łatviju, adkryta vykazvała svaju padtrymku vajennaj ahresii Rasii suprać Ukrainy i jaje naroda, vykarystoŭvajučy typovyja kramloŭskija prapahandysckija pasłańni.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»17
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary