Minabarony Ukrainy: HIMARS užo źniščyli bolš za 30 rasijskich vajskovych abjektaŭ
Dziakujučy amierykanskim rakietnym artyleryjskim sistemam HIMARS, ukrainskija vajskoŭcy źniščyli ŭžo bolš za 30 łahistyčnych vajskovych abjektaŭ rasijan, paviedamiŭ pres-sakratar Ministerstva abarony Ukrainy Alaksandr Matuzianik u efiry nacyjanalnaha telemarafona, piša «Ukrainskaja praŭda».
«Dazvolu sabie ŭspomnić znakamityja HIMARS, jakija siońnia vydatna pracujuć na pieradavoj.
Za apošnija tydni źniščana bolš za 30 łahistyčnych vajskovych abjektaŭ praciŭnika, z-za čaho, naprykład, ciapier nastupalny patencyjał rasijskich akupacyjnych vojskaŭ značna źmienšany», — skazaŭ vajskovy čynoŭnik.
Pry hetym Matuzianik padkreśliŭ, što ciapier Ukraina maje patrebu ŭ dalnabojnaj artyleryi, jakaja dazvalaje źniščać łahistyku praciŭnika. «Ułasna, što ciapier aktyŭna robicca», — zaŭvažyŭ jon.
Akramia taho, pavodle jaho słoŭ, Ukraina čakaje ad lend-lizu «vielmi stanoŭčaha efiektu, tamu što zmoža sama vybirać uzory ŭzbrajeńnia, vajskovaj techniki, jakaja nam budzie nieabchodnaja ŭ toj ci inšy momant».
Pradstaŭnik Minabarony taksama zajaviŭ, što rasijskija vojski tolki 30% udaraŭ robiać pa vajskovych abjektach va Ukrainie, a astatnija 70% — pa mirnych haradach.
U Rečycy ludzi vyjšli prybirać śnieh. Ich aštrafavali5
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary