Мінабароны Украіны: HIMARS ужо знішчылі больш за 30 расійскіх вайсковых аб'ектаў
Дзякуючы амерыканскім ракетным артылерыйскім сістэмам HIMARS, украінскія вайскоўцы знішчылі ўжо больш за 30 лагістычных вайсковых аб'ектаў расіян, паведаміў прэс-сакратар Міністэрства абароны Украіны Аляксандр Матузянік у эфіры нацыянальнага тэлемарафона, піша «Украінская праўда».
«Дазволю сабе ўспомніць знакамітыя HIMARS, якія сёння выдатна працуюць на перадавой.
За апошнія тыдні знішчана больш за 30 лагістычных вайсковых аб'ектаў праціўніка, з-за чаго, напрыклад, цяпер наступальны патэнцыял расійскіх акупацыйных войскаў значна зменшаны», — сказаў вайсковы чыноўнік.
Пры гэтым Матузянік падкрэсліў, што цяпер Украіна мае патрэбу ў дальнабойнай артылерыі, якая дазваляе знішчаць лагістыку праціўніка. «Уласна, што цяпер актыўна робіцца», — заўважыў ён.
Акрамя таго, паводле яго слоў, Украіна чакае ад ленд-лізу «вельмі станоўчага эфекту, таму што зможа сама выбіраць узоры ўзбраення, вайсковай тэхнікі, якая нам будзе неабходная ў той ці іншы момант».
Прадстаўнік Мінабароны таксама заявіў, што расійскія войскі толькі 30% удараў робяць па вайсковых аб'ектах ва Украіне, а астатнія 70% — па мірных гарадах.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву2
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары