Instytut vyvučeńnia vajny prahnazuje, čaho čakać paśla spynieńnia rasijskaj apieratyŭnaj paŭzy
Amierykanski Instytut vyvučeńnia vajny (ISW) prahnazuje, što spynieńnie apieratyŭnaj paŭzy rasijskich vojskaŭ naŭrad ci pryviadzie da masavaha pavieličeńnia naziemnych napadaŭ va ŭsioj Ukrainie, ale budzie praciah naziemnych šturmaŭ, zasiarodžanych na kirunkach Słaviansk-Sieviersk-Bachmut.
Ministerstva abarony Rasii abviaściła, što rasijskaja apieratyŭnaja paŭza skončyłasia 16 lipienia. Ministr abarony Rasii Siarhiej Šajhu zahadaŭ kamandujučamu Paŭdniovaj hrupaj hienierału armii Siarhieju Suravikinu i kamandujučamu centralnaj hrupaj hienierał-pałkoŭniku Alaksandru Łapinu ŭzmacnić nastupalnyja dziejańni na ŭsich napramkach, ale tempy adnaŭleńnia rasijskaha nastupleńnia, vierahodna, buduć vahacca na praciahu najbližejšaha času.
Šajhu zajaviŭ, što Suravikin i Łapin buduć praciahvać kamandavać siłami na ŭschodnim kirunku, choć kancentracyja siłaŭ takoha pamieru patrabuje tolki adnaho kamandujučaha vysokaha ŭzroŭniu. Biezpadstaŭnaść rašeńnia Kramla vykarystoŭvać apieratyŭnuju paŭzu dla rearhanizacyi rasijskaj vajennaj kamandnaj struktury va Ukrainie i jaho rašeńnie zachavać zamiest hetaha śpiecyjalnuju strukturu ŭ ISW ličać dziŭnym.
Analityki adznačajuć, što padvojnaje kamandavańnie apieracyjami na vielmi nievialikaj terytoryi moža pieraškodzić dalejšym dziejańniam Rasii.
Ukrainskija ŭdary HIMARS pa rasijskich składach bojeprypasaŭ, elemientach materyjalna-techničnaha zabieśpiačeńnia i kamandavańnia dy kiravańnia, vierahodna, paharšajuć rasijskija artyleryjskija kampanii.
Klučavyja vysnovy ekśpiertaŭ ISW:
- Ministerstva abarony Rasii abviaściła ab prypynieńni apieratyŭnaj paŭzy. Jano naŭrad ci pryviadzie da masavaha pavieličeńnia naziemnych napadaŭ pa ŭsioj Ukrainie, ale, chutčej za ŭsio, budzie charaktaryzavacca praciaham abmiežavanych naziemnych šturmaŭ, zasiarodžanych na napramkach Słaviansk-Sieviersk-Bachmut.
- Vierahodna, Kreml zahadaŭ rasijskim vojskam uziać pad kantrol usiu Charkaŭskuju vobłaść, niahledziačy na nadzvyčaj nizkuju vierahodnaść pośpiechu Rasii ŭ hetych sprobach.
- Rasijskija vojski ździejśnili abmiežavanyja naziemnyja nastupleńni vakoł Sievierska i Bachmuta, a taksama abstrelvali ŭkrainskuju vajskovuju i cyvilnuju infrastrukturu na ŭschodzie Ukrainy.
- Rasijskaja akupacyjnaja ŭłada, vierahodna, reahuje na mierkavanuju pahrozu dziejnaści ŭkrainskich partyzan uzmacnieńniem administracyjnych režymaŭ na akupavanych terytoryjach.
Kamientary
Sievierska i Bachmuta, a taksama abstrelvali ŭkrainskuju vajskovuju i
cyvilnuju infrastrukturu na ŭschodzie Ukrainy.
akupacyjnaja ŭłada, vierahodna, reahuje na mierkavanuju pahrozu dziejnaści
ŭkrainskich partyzan uzmacnieńniem administracyjnych režymaŭ na akupavanych
terytoryjach"